Руханият
48 сағат
Облыстық статистика департаментінің мәліметі бойынша, облысымызда 2013 жылдың қаңтар-маусым айларында негізгі қорға салынған инвестициялардың көлемі бағалау есебімен 73505,4 миллион теңгені құрады, немесе 2012 жылдың тиісті кезеңімен салыстырғанда 85,6 пайызға артты.
Іріленбесең, ілгері баспайсың
Қолға алынып жатқан шаралардың нәтижесінде облысымызда егін және мал шаруашылығы салаларында елеулі ілгерілеу байқалуда. Ағын су тапшылығын еңсеру үшін шаруалар егістікке тамшылатып және жаңбырлатып ылғалдандыруды қолға алуда. Оның тиімділігіне таяуда Қордай ауданында өткізілген «Егінжай күнінде» облыс аграршылардың көзі тағы да анық жетті.
Оқушылармен ортақтаспайды Колледж түлектеріне арнайы грант бөлінген
Қазір талапкерлер арасында бәсекелестік қызған шақ. Мемлекеттік оқу гранты конкурсына қатысу үшін жаппай құжат тапсыруға кіріскен биылғы түлектер қатарына колледж және өткен жылдары қолдарына аттестат алған мектеп бітірушілер де қосылуда. 19-22 шілде аралығында кешенді тестілеуге қатысқандардың ішінде тиісті балл жинап, қолдарына сертификат алғандары ендігі өз таңдауын жасап та үлгерген болар.
Шамшырақ «Энерджи-Тараз» серіктестігінің жарық диодты шамдарына сұраныс мол
Аймақтағы іргелі кәсіпорындардың бірі – «Энерджи-Тараз» жауапкершілігі шектеулі серіктестігінің жарық диодты шам шығаратын зауыты. Осыдан үш жыл бұрын жұмысын бастаған кәсіпорын бүгінде абырой биігінен көрініп жүр. Былтыр «Қазақстанның үздік тауары» республикалық көрме-конкурсына облыс атынан қатысып, «Халыққа арналған үздік тауарлар» аталымы аясында ІІІ дәрежелі дипломмен марапатталды. Тұсауын кескеніне көп болмаған өндіріс орны үшін бұл – үлкен жетістік.
Ертең үгіт жұмыстары басталады
Тамыз айының басында өтетін саяси науқан – әкімдер сайлауы қарсаңында облыстық аумақтық сайлау комиссиясының төрағасы Асқар Абдуалымен сұхбаттасқанды жөн көрдік.
– Елбасының ағымдағы жылдың сәуір айында аудандық маңызы бар қалалар, ауылдық округтер, ауылдық округ құрамына кірмейтін кенттер мен ауыл әкімдерінің сайлауын өткізу туралы Жарлығы жарияланып, біздің өңірде 9 тамызда саяси науқан өтетіндігі белгілі. Жалпы, осы сайлау несімен ерекше деп ойлайсыз?
«Бастық» демесе беделі түсіп қала ма?
Тегінде қазекемнің жаңалықты қабылдауы қиын ғой. Мыңжылдықтар тоғысында Арқа төсінен айшықты Астана тұрғыздық. «Өзіміз дағдарыстың қыспағынан шыға алмай жатқанда жаңадан қала салғанымыз қай сасқанымыз» дедік о баста. Кейіннен сол жас қала ел экономикасын өрге сүйреген бас қалаға айналғанын көргенде барып, көңіліміз көншіді. «Үш тұғырлы тіл» жобасын енгізгенде тағы да өре түрегелдік. «Қазақ тілі қанатын кең жая алмай жатқанда, ағылшын тілінің не қажеті бар?» дедік жапатармағай. Құдды бір балаларымыз ауылдан ұзап шықпайтындай күйгелектікке салынамыз. Тіл білсін, ілім алсын, қызмет қусын, еліне еңбек етсін. Қазақ балалары қашанғы қойдың соңында жүруі керек?
Маманды… грант таңдайды
«Мен Үкімет алдына орта мектепті бітірген әрбір қазақстандықтың мамандық алу мүмкіндігін қарастыруды тапсырамын. Барлығы жоғары оқу орнына бара алмайды, ол мүмкін де емес. Ал экономикаға техникалық мамандықтар, орта буын жұмысшылары ауадай қажет».
Қазақстан Республикасының Президенті
Нұрсұлтан Назарбаев
Еңбек нарығының биылғы талабы қандай? Өңіріміз қандай мамандарға зәру? Мемлекеттік білім граaнттары қай салаға көбірек бөлінген? Міне, бұлар мамандық таңдауда ескерілуі тиіс сауалдар.
Мемлекеттік тіл – менің тілім!
Бұл қазақ тілін жетік меңгерген
түрлі этнос жастарының жүрекжарды сөзі
Ырыс төгетін ынтымақтың кілті – бірлікте. Достық пен татулықты ту еткен елімізді мекендеген қай ұлттың өкілі болсын мемлекет саясатын қолдап, оның дамуына барынша атсалысуы арқылы елдегі бейбіт тұрақтылықты сақтап отыр. Бүгінде мемлекеттік тілдің қолданыс аясын кеңейтуге бағытталған ауқымды шараларды жүзеге асыруға балабақшадан бастап, барлық мекемелер белсенділік танытып, өзге ұлт өкілдерінің мемлекеттік тілді игеруге, қазақ халқының мәдениетін, салт-дәстүрлерін танып-білуге деген құлшыныстары артуда. Олардың мемлекеттік тіл мәртебесін нығайтуға мүдделілігі айрықша екендіктеріне тіл сайыстарында куә болып та жүрміз. Тілі басқа болғанмен, тілегі бір, жүзі басқа болғанмен, жүрегі бір осындай отандастарымыз – кәріс, орыс, шешен жастарының мемлекеттік тіл турасындағы пікірлері де осыған саяды.
Тәуелсіздікті жөргекте жатып аңсаған ұрпақпыз
Қазақстанның халық жазушысы, Мемлекеттік сыйлықтың иегері Шерхан МҰРТАЗАМЕН әңгімеміз, негізінен, ел тәуелсіздігі, қала тіршілігі, ондағы тарихи тұлғалар, олардың ұлағатын ұлықтау, имандылық мәселелері, жалпы адами қасиеттерді ардақтау жайлы болды. Өмірлік құндылықтар жөнінде алып жазушының айтар ойы аз емес екендігі белгілі. Әсіресе, тәуелсіздік туралы…
Талпақ танау
қарабастаулықтардың титығына тие бере ме?
Ғабит Мүсіреповтің «Талпақ танауындағы» ауыл адамдарының шошқаға шошына, жиіркене қарайтыны естеріңізде болар. Өкініштісі сол, Жуалы ауданы Билікөл ауылдық округі Қарабастау ауылы тұрғындарының базынасы осы әңгіменің желісімен пара пар болып отыр. Ауылдың дәл ортасында орналасқан шошқахананың қолқаны қапқан сасық исінен тұрғындар еркін тыныстаудан қалғалы қа-ш-шан?! Айтулы мәселе талай жылдан бері шешімін таппай, жұрттың жүйкесін әбден жұқартып бітті.
