گازەت تاريحى

   گازەت 1922 جىلدىڭ 1 مامىرىندا اۋليەاتا ويازدىق، قالالىق پارتيا كوميتەتىنىڭ، كەڭەس اتقارۋ كوميتەتىنىڭ ورگانى «ۆولنايا بەدنوتا» گازەتىنىڭ قوسىمشاسى رەتىندە دۇنيەگە كەلدى. تۇڭعىش رەداكتورى — اننا ۆلاديميروۆنا الماتينسكايا.

   1924 جىلدىڭ تامىز ايىنان باستاپ باسىلىم «ەڭبەك» دەگەن اتپەن شىعا باستادى.

  اۋليەاتا ويازىنىڭ اۋدان بولىپ قايتا قۇرىلۋىنا بايلانىستى 1929 جىلدىڭ 1 قاڭتارىنان «ديقان داۋسى» اتتى اۋداندىق گازەتكە اينالدى. «جاپپاي ۇجىمداستىرۋ» ناۋقانىنا بايلانىستى گازەتتىڭ اتى 1931 جىلدىڭ باسىنان «كولحوزشى» دەپ اتالسا، 1938 جىلى ءسال وزگەرىسكە ۇشىراپ، «كولحوز جولىنا» اينالدى.

   1939 جىلى جامبىل وبلىسى قۇرىلعاندا گازەت وبلىستىق جانە جامبىل قالالىق پارتيا كوميتەتەتتەرى مەن ەڭبەكشىلەر دەپۋتاتتارى وبلىستىق كەڭەسىنىڭ ورگانىنا اينالىپ، ءبىرىنشى نومىرىنە رەداكتور رەتىندە كۇزەمباي سۇگىربەكوۆ قول قويدى.

   زامان اعىمىنا قاراي 1944 جىلعا دەيىن «كوممۋنيست»، ودان كەيىن «ستاليندىك جول» اتانعان باسىلىم 1958 جىلدان باستاپ «ەڭبەك تۋى» دەگەن اتقا يە بولدى.

   حرۋششەۆتىڭ اپەرباقان ساياساتىنىڭ سالقىنى «ەڭبەك تۋىن» دا اينالىپ وتكەن جوق. 1962 جىلى وبلىستىق بىردەن-ءبىر قازاق گازەتى جابىلىپ، ءبىر جىلدان كەيىن ورىس تىلىندەگى «زناميا ترۋدا» گازەتىنىڭ اۋدارماسى رەتىندە جارىق كوردى. تاعى ءبىر جىلدان كەيىن عانا قايتادان دەربەس باسىلىمعا اينالدى.

  1972 جىلى گازەت ءوزىنىڭ ەلۋ جىلدىق مەرەيتويىنا وراي كسرو جوعارعى كەڭەسى پرەزيديۋمىنىڭ جارلىعىمەن «قۇرمەت بەلگىسى» وردەنىمەن ناگرادتالسا، ون جىلدان كەيىن، ياعني قازاق كسر جوعارعى كەڭەسى پرەزيديۋمىنىڭ 1982 جىلعى 30 ساۋىردەگى جارلىعىمەن قۇرمەت گراموتاسىمەن ناگرادتالدى.

  قوعامداعى تۇبەگەيلى وزگەرىستەرگە بايلانىستى 1990 جىلدىڭ 3 ساۋىرىنەن باستاپ گازەت «اق جول» دەگەن اتپەن شىعا باستادى.

   1922 جىلعى «كەدەي ەركى» اتالعان كەزىنەن بەرى باسقارعان گازەت باسشىلارى

اننا الماتينسكايا (1922-1924)

سىدىق ابلانوۆ (1924-1936)

عابدى امانعاليەۆ (1936-1938)

جايىق بەكتۇروۆ (1939-1942)

عايسا سارمۇرزين(1943-1959)

تولەندى وڭعارباەۆ (1959-1961)

بەگەن بايساقالوۆ (1963-1964)

باتتال جاڭاباەۆ (1965-1985)

ارعىنباي بەكبوسىن (1985-1995)

ءالديحان قالدىباەۆ (1995-2004)

ماقۇلبەك رىسداۋلەت (2004-2010)

عالىم قاساباي (2010-2013)

قۋانىش يەمبەرديەۆ (2013-2014)

كوسەمالى ساتتىباي ۇلى (2014)

 - «اق جولدىڭ» نەگىزى سانالاتىن 1922 جىلعى 1 مامىردان شىعا باستاعان باسىلىمدى قۇلجاباەۆ، كامالوۆ، بەكسەيىتوۆ، باشيروۆ، بەكمۇراتوۆ، جانبولاتوۆ، مولداعاليەۆ، ساپاربەكوۆ سياقتى ازاماتتار دا باسقارعان. جەرگىلىكتى مۇراعاتتا ولاردىڭ تولىق اتى-جوندەرى جوق، شىعارعان گازەتتەرىنىڭ ساندارى دا ساقتالماعان. ولاردىڭ اراسىندا رەداكتورلىق قىزمەتتى گازەت اشىلعان العاشقى جىلدارى از عانا ۋاقىت باسقارعاندارى دا بار.

Leave a Reply

Your email address will not be published. Required fields are marked *

*

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>