سپورت الەمى

سپورت الەمى

العاشقى تۋردا اقتوبە العا شىقتى

تۇركيادا ءۇش رەت وقۋ-جاتتىعۋ جيىندارىن وتكىزىپ، جۋىردا عانا ورالعان «تاراز» كومانداسى ەل چەمپيوناتىنىڭ العاشقى تۋرىندا-اق جەڭىلىس تاپتى. جالپى، بۋكمەكەر كەڭسەلەرىندەگى بولجام بويىنشا بۇل كەزدەسۋدە «اقتوبە» جەڭىسكە جەتۋى ءتيىس-ءتىن. فۋتبولسۇيەر قاۋىم نەگىزىنەن ءباس تىگەردە بىلتىر اقتوبەلىكتەردىڭ چەمپيون بولعانىن ءارى بيىلعى ماۋسىماشار ويىندا كەنشىلەردەن سۋپەركۋبوكتى ۇتىپ العانىن ەسكەرگەنى انىق.
ءا دەگەندە، پرەمەر-ليگاداعى ازۋلى كومانداعا تاپ كەلگەندىكتەن «تارازعا» ءبىرىنشى ماتچتا وڭاي سوقپاسىن تۇسىنسە دە، جامبىلدىقتار سوڭعى ساتكە دەيىن ۇمىتتەرىن ۇزبەگەن ەدى. جاڭا فۋتبولشىلارمەن تولىققان كلۋبتىڭ ويىنىنان ءبىر جاڭالىق كۇتكەن-ءدى. گوللانديالىق باپكەر چەمپيوندارعا قارسى وزگەشە تاكتيكالىق جۇيە قۇرىپ، سوعان ساي شاكىرتتەرىن پسيحولوگيالىق-تەحنيكالىق تۇرعىدا دايىندايدى دەپ ويلاعان بولاتىن. بىراق، جانكۇيەرلەردىڭ سەنىمى اقتالمادى. تابلوداعى 0:2 كورسەتكىشى فۋتبولسۇيەر قاۋىمنىڭ كوڭىل-كۇيىن ءتۇسىرىپ جىبەردى.
جاڭا ويىنشىلار دەمەكشى، بيىل «تاراز» ساپىندا ەداۋىر وزگەرىستەر بار. گوللانديالىق مامان بۇرىنعى كلۋبتى بۇرىنعى لەگيونەرلەردەن تۇگەلدەي دەرلىك تازارتىپ، قۇرامدى جاڭارتتى. سيگۋرني باندجار، روي روك ەسىمدى قورعاۋشىلاردى نيدەرلانديا مەن سلوۆەنيادان الدىرتتى. ولار ەندى قورعانىستا ويناپ، الەكساندر كۋچما، يليا ۆوروتنيكوۆ، سەرگەي سكورىح، بەرىك ايتباەۆقا كومەكتەسەدى. بىلتىر «اتىراۋدا» ويناعان سەربيالىق يوۆان گوليچتى جانە تاعى ءبىر نيدەرلانديالىق كورنەليس ۋببينكتى قاتارعا قوستى. سونىمەن ورتالىق الاڭدا اتالعان قوس لەگيونەرمەن بىرگە دانيار باياليەۆ، اعايىندى ۆيتالي، دميتري ەۆستيگنەەۆتەر، ەدۋارد سەرگيەنكو، كومانداعا قايتا ورالعان باۋىرجان بايتانا، ولەگ نەدوشكوۆسكي، «ۆوستوكتان» اۋىسقان تيمۋر دوسماعانبەتوۆ ونەر كورسەتپەك. ال، شابۋىل شەبىندە نيگەريالىق وبيورا وديتا، جامبىل فۋتبول مەكتەبىنىڭ تۇلەگى مۇرات تلەشەۆ پەن فرانتسيادان شاقىرتقان ريچارد بارويلەت ويناماق. سەربيالىق شابۋىلشى ميروسلاۆ لەچيچ پەن قورعاۋشى نيكولاي نەستەرەنكو اۋىر جاراقات الۋىنا بايلانىستى وسى ماۋسىمدا الاڭعا شىعا المايتىن بولدى.
بيىلعى ماۋسىمدا ونەر كورسەتەتىن «تارازدىڭ» جاڭا قۇرامى وسىنداي. بىلتىر ەكىنشى اينالىمداعى جەڭىلىستەردىڭ سەبەبىن باس باپكەر ارنو پايپەرستىڭ كوماندانى ءوزى جاساقتاماعاندىعىمەن تۇسىندىرگەنى ەسىمىزدە. مىنە، وسى جولى وزىنە قاجەتتى فۋتبولشىلاردى ىرىكتەۋدە ونىڭ قولىن ەشكىم قاقپادى. كلۋب سايتىندا جۇرگىزىلگەن ساۋالنامادا كوپشىلىك «تارازعا» جاقسى شابۋىلشى كەرەك ەكەنىن كورسەتسە دە، ول شەتەلدەن قوس-قوستاپ قورعاۋشى مەن جارتىلاي قورعاۋشى شاقىرتتى. ولارى تۇگەلدەي دەرلىك ءبىرىنشى ماتچتا نەگىزگى قۇرامدا الاڭعا شىقتى. تەك قۇجات راسىمدەۋدەگى كەدەرگىلەرگە بايلانىستى شابۋىلشىلار ريچارد بارويلەت پەن وبيورا وديتا قاتارعا قوسىلا المادى. ال، ويىن ناتيجەسى بەلگىلى.
كەزدەسۋدەن كەيىن وتكەن ءباسپاسوز ءماسليحاتىندا ارنو پايپەرس ءۇش اي بويى تابيعي توسەنىشى بار الاڭدا جاتتىققان فۋتبولشىلارعا جاساندى الاڭدا ويناۋدىڭ قيىن تيگەنىن ايتتى. «ۇلان» ستاديونىنداعى توسەنىش قاتقىلداۋ شىعار، بىراق جەڭىسكە جەتۋ ءۇشىن اقتوبەلىكتەرگە بۇل كەدەرگى بولعان جوق. ال، ۆلاديمير نيكيتەنكو ءوز شاكىرتتەرىنىڭ گول سوعار مۇمكىندىكتەرىن تولىق پايدالانا الماعانىن، «اقتوبەگە» «تاراز» وسال قارسىلاس بولماعانىن جەتكىزدى. ءسىرا، باپكەر العاشقى گولدىڭ پەنالتيدەن سوعىلعانىن (اۆتورى – مارات حايرۋللين)، ەكىنشىسى قاقپا الدىنداعى قاربالاستا اۆتوگولعا اينالعانىن («اۆتورى» – سيگۋرني باندجار) مەڭزەسە كەرەك.
«اقتوبە» العاشقى تۋردا العا شىقتى. تۋرنير كەستەسىندەگى العاشقى ورىندارعا ەل چەمپيوناتىنىڭ ءبىرىنشى كەزدەسۋىندە جەڭىسكە جەتىپ، ءۇش ۇپاي ولجالاعان «اتىراۋ»، «ەرتىس»، «توبىل»، «قايسار» ورنىقتى. التىنشى جانە جەتىنشى ساتىدا – ۇپاي بولىسكەن «استانا» مەن «جەتىسۋ». ال، «تاراز» ودان تومەنىرەك جايعاستى.

ارداق ۇسەيىنوۆا
[email protected]

كوكتەمگى كروسس

ناۋرىز مەرەكەسىنە ارنالدى

جالپى، ناۋرىز – سالاماتتى ءومىر سالتىن ناسيحاتتايتىن ۇلىق مەرەكە. ونىڭ ەرەكشەلىگى دە وسىندا. ۇلىستىڭ ۇلى كۇنىن تويلاۋ تەك مەرەكەلىك سالتاناتپەن، ءان مەن كۇيگە بولەنگەن كونتسەرتتىك شارالارمەن شەكتەلمەيدى. ءاز ناۋرىز قارساڭىندا اۋلالار اباتتاندىرىلىپ، تال-داراقتار وتىرعىزىلادى. جاس جەتكىنشەكتى ەڭبەككە باۋلي وتىرىپ، بەلسەندى ءومىر سالتىن ۇستانۋعا شاقىرادى.
ۇلىق مەرەكەنىڭ وسىنداي وسكەلەڭ ۇرپاققا بەرەر تاعىلىمدى ءمانىن ەسكەرە وتىرىپ، تارازدىقتار ناۋرىزدى سپورتتىق شارامەن باستاۋدى ۇيعارعان سەكىلدى. ۇلىس كۇنىنە وراي قالا تۇرعىندارى اراسىندا «ناۋرىز – كوكتەمنىڭ سپورتتىق باستاماسى» اتتى جاپپاي جۇگىرىس ۇيىمداستىرىلدى. ورتالىق «دوستىق» الاڭىنان باستالعان كوكتەمگى كروسس تۇڭعىش پرەزيدەنت ساياباعىنا دەيىن جالعاستى.
جارىسقا مىڭنان استام تارازدىق قاتىستى. جاسوسپىرىمدەر اراسىندا سەرگەي بوريسەنكو مەن سايدا سارسەنباەۆا، جاستار ىشىنەن (18-25 جاس ارالىعىنداعىلار) نۇرلان قابىلقۇلوۆ، اقنيەت بەكبولاتوۆا جەڭىمپاز اتاندى. 26 جاستان جوعارىلار جارىسىندا №49 مەكتەپ گيمنازيانىڭ مۇعالىمدەرى باۋىرجان انارقۇلوۆ پەن ۆالەريا يۋرچەنكو توپتان وزدى. ال، مۇمكىندىگى شەكتەۋلى سپورتشىلار ىشىندە ۇزدىك شىققاندارى – تاير قامباباەۆ، ەرلان ارعىمباەۆ. شارا بارىسىندا ۇزدىكتەرمەن قاتار ءار جۇگىرىستىڭ ءتورت جۇلدەگەرى انىقتالىپ، ماراپاتتالدى.

ارداق جاڭبىرشى،
جۋرناليست.

Leave a Reply

Your email address will not be published. Required fields are marked *

*

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>