جامبىلدىقتاردىڭ كورسەتكىشى جاقسى

جامبىلدىقتاردىڭ كورسەتكىشى جاقسى

بۇل – جامبىل جەرىندە ەستۋ قابىلەتى تومەن سپورتشىلار اراسىندا رەسپۋب-ليكالىق دەڭگەيدە وتكىزىلگەن العاشقى ءىرى جارىس. گرەك-ريم جانە ەركىن كۇرەستەن رەسپۋبليكا بىرىنشىلىگىنە استانا، الماتى قالاسى، وڭتۇستىك قازاقستان، اقتوبە وبلىستارىنىڭ كوماندالارى قاتىسىپ، چەمپيوندىق اتاقتى ساراپقا سالدى. جامبىل وبلىسى قۇراماسىنىڭ ساپىندا التى سپورتشى بولدى. ولار ەكى كۇرەس ءتۇرى بويىنشا دا سىنعا ءتۇستى. دودانىڭ نەگىزگى ماقساتى – سۋردليمپيالىق ويىنداردا ەل نامىسىن قورعايتىن ۇلتتىق قۇرامانى جاساقتاۋ.

جارىستىڭ اشىلۋ سالتاناتىنا وبلىستىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى نۇرجان جولداسبەكوۆ، سۋردليمپيالىق فەدەراتسيانىڭ اتقارۋ-شى ديرەكتورى، ەستۋ قابىلەتى تومەن مۇگەدەك-سپورتشىلاردىڭ مەملەكەتتىك جاتتىقتىرۋشىسى ماكسيم روجكوۆ، تاراز يننوۆاتسيالىق-گۋمانيتارلىق ۋنيۆەرسيتەتىنىڭ رەكتورى، فيلولوگيا عىلىمدارىنىڭ دوكتورى ەربولات ساۋرىقوۆ قاتىسىپ، بالۋاندارعا ساتتىلىك تىلەدى. اتالمىش باسقارمانىڭ «دەنە مۇمكىندىگى شەكتەۋلى ادامدارعا ارنالعان سپورت كلۋبىنىڭ» ديرەكتورى ساتتار بەيسەمباەۆتىڭ ايتۋىنشا، تيگۋ باسشىلىعى سپورتقا بەت بۇرعان مۇمكىندىگى شەكتەۋلى جاندارعا ۇنەمى قولداۋ كورسەتىپ جۇرەدى ەكەن.
بىلتىر تاراز قالاسىندا تۇڭعىش رەت پاراليمپيالىق ويىن تۇرلەرى بويىنشا ءىV رەسپۋبليكالىق سپارتاكيادا وتكەنى بەلگىلى. ەكى دودانىڭ دەڭگەيى ءارتۇرلى بولعانىمەن، ماقساتى ءبىر – مۇمكىندىگى شەكتەۋلى سپورتشىلارعا قولداۋ كورسەتۋ. وسىنداي جارىستارعا ءجيى قاتىسىپ، تاجىريبە جيناقتاعاننىڭ ناتيجەسى شىعار، ءبىزدىڭ جەرلەستەرىمىزدىڭ حالىقارالىق دودالاردا قول جەتكىزگەن جەتىستىكتەرى كوپ.
سۋدا جۇزۋدەن ءزۇلفيا گابيدۋللينا الەمدىك ارەنالاردان ۇلكەن ولجامەن ورالىپ ءجۇر، ال بالۋان عابيت ەسجانوۆ بىلتىر دۇنيەجۇزىلىك سۋردليمپيالىق ويىنداردان التىن مەدال جەڭىپ العانى بەلگىلى. سپورتشىلارىمىزدىڭ وسى تابىستارى جامبىل جەرىندە ءىرى جارىستاردى وتكىزۋ مارتەبەسىن الۋعا مۇمكىندىك بەرۋدە. «عابيت بىلتىر بولگاريادا التىن مەدال جەڭىپ الدى، ىشكى بىرىنشىلىكتەردە دە توپ جارىپ ءجۇر. بالۋانىمىزدىڭ وسى كورسەتكىشىنە قاراي قازاقستان سۋردليمپيالىق فەدەراتسياسى بيىلعى چەمپيوناتتى جامبىل جەرىندە وتكىزۋگە ۇسىنىس بىلدىرگەن بولاتىن. جارىسقا جامبىلدىقتاردى عابيتتىڭ ءوزى باستاپ شىعادى. التى سپورتشىمىزدان دا ۇلكەن ءۇمىت كۇتەمىز»، – دەيدى ساتتار بەيسەمباەۆ.
باپكەرلەردىڭ ءۇمىتى اقتالدى. وبلىس قۇراماسى جارىس قورىتىندىسىندا بەس التىن، ءبىر كۇمىس، ءبىر قولا مەدالدى جەڭىپ الىپ، جالپىكوماندالىق ەسەپتە ەكىنشى ورىندى يەلەندى. كوماندا كاپيتانى عابيت ەسجانوۆ 65 كيلوگرامم سالماق دارەجەسىندە ەكى كۇرەس ءتۇرى بويىن-شا دا قارسىلاس شاق كەلتىرمەي، باس جۇلدەنى ولجالادى. قوس التىنعا قولى جەتكەن جەرلەسىمىزدىڭ ءبىرى – نۇرسۇلتان دۇيسەنبيەۆ. ال، باعدات ءسابيتوۆ ەركىن كۇرەستە ەشكىمگە ەسە جىبەرمەسە دە، كلاسسيكالىق كۇرەستە اقتىق بەلدەسۋدە قارسىلاسىنا تىزە بۇكتى. ەركىن قالزابەكوۆكە بۇيىرعانى – قوس قولا.

ارداق ۇسەيىنوۆا
[email protected]

Leave a Reply

Your email address will not be published. Required fields are marked *

*

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>