«قازاقستان – 2050»

«قازاقستان – 2050»

جالپىۇلتتىق قوزعالىسى  ەل دامۋىنا يگى ىقپالىن تيگىزبەك

ەلباسىمىزدىڭ «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى بيىلعى جولداۋىندا ايتىلعان مىندەتتەرگە وراي، وتكەن جىلدىڭ جەلتوقسان ايىندا «قازاقستان – 2050» جالپىۇلتتىق قوزعالىسى» قوعامدىق بىرلەستىگى قۇرىلعان بولاتىن. قوزعالىستىڭ نەگىزگى جۇمىسى – ەلباسىمىزدىڭ ۇسىنعان ساياسي باعىتىنا قولداۋ كورسەتە وتىرىپ، ەلىمىزدىڭ الەمنىڭ دامىعان وتىز مەملەكەتىنىڭ قاتارىنا قوسىلۋىنا ىقپال ەتۋگە باعىتتالعان. وسىعان وراي، بىرلەستىك ەل دامۋىنا يگى اسەرىن تيگىزەتىن ءتۇرلى سالا بويىنشا ون جوبانى جۇزەگە اسىرۋدى مەجەلەپ وتىر. قوزعالىستىڭ قۇرامى دا ءسانتۇرلى سالا ماماندارىنان قۇرالعان. ولاردىڭ قاتارىندا ينجەنەر، كاسىپكەر، دارىگەر، ءبىلىم قايراتكەرلەرى مەن وزگە سالانىڭ وكىلدەرى دە بار. اقمولا وبلىسىنان باستاۋ العان قوزعالىس مۇشەلەرى بۇگىندە ەلىمىزدىڭ بارلىق ايماعىن ارالاپ، ەلباسى جولداۋى مەن «قازاقستان – 2050» ستراتەگياسىنىڭ باسىم باعىتتارىن حالىق اراسىندا ناسيحاتتاپ ءتۇسىندىرىپ، جيىندار وتكىزۋدە.
وبلىس اكىمدىگى ىشكى ساياسات باسقارماسىنىڭ ۇيىتقى بولۋىمەن، «قازاقستان – 2050» جالپىۇلتتىق قوزعالىسى كەڭەسىنىڭ مۇشەلەرى م. مانكەەۆ پەن ا. جۇماباەۆ تاراز قالاسىنا دا كەلدى. ولار الدىمەن م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ بەلسەندى جاستارىمەن جيىن وتكىزىپ، جۇمىسىن جاڭادان باستاعان قوزعالىستىڭ ماقساتىمەن، جۇزەگە اسىرىلىپ جاتقان جاڭا جوبالارىمەن تانىستىردى. جاستاردى اشىق اڭگىمەگە تارتىپ، پىكىر الماستى. كەلەسى كەزەكتە قوزعالىس مۇشەلەرى «دوستىق» ۇيىنە اتباسىن بۇرىپ، وبلىستىڭ زيالى قاۋىم، الەۋمەتتىك سالا ماماندارى، ۇكىمەتتىك ەمەس ۇيىمداردىڭ جەتەكشىلەرى، كاسىپكەرلەر جانە وبلىستىق اسسامبلەيا وكىلدەرىمەن جيىن وتكىزدى. باسقوسۋ بارىسىندا ەلىمىزدىڭ بۇگىنگى دامۋ باعىتى، جاستار تاربيەسى، اۋىل جاستارىنىڭ احۋالى، ءبىلىم جانە دەنساۋلىق ساقتاۋ سالالارىنداعى پروبلەمالار، حالىقتار اراسىنداعى دوستىق جايىندا كەلەلى اڭگىمە ءوربىدى. بۇل جونىندە تاراز مەملەكەتتىك ۋنيۆەرسيتەتىنىڭ وقىتۋشىسى ز.قۇلامانوۆا، وبلىستىق ۇيعىر ەتنومادەني بىرلەستىگىنىڭ جەتەكشىسى م.تۇرديەۆا جانە باسقالار ءوز ويىن ورتاعا سالدى.
جيىندا اڭگىمەگە ارقاۋ بولعان ماسەلەلەردىڭ بارلىعى ەلباسىمىزدىڭ جولداۋىندا ايتىلعان جارقىن باستامالار مەن اتالمىش قوزعالىستىڭ ماقساتىمەن دە ۇندەستىك تاۋىپتى. زيالى قاۋىمدى قۋانتقان دا وسى جاي بولدى.

فاريزا ابدىكەرىموۆا
«اق جول».

Leave a Reply

Your email address will not be published. Required fields are marked *

*

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>