جاڭعىرۋعا باستاعان جىل

تاريح قويناۋىنا ەنىپ بارا جاتقان جىلدىڭ سوڭعى جۇمىس كۇنىندە وبلىس اكىمدىگىندە وڭىرلىك كوميسسيا وتىرىسى ءوتىپ، وندا «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ وبلىسىمىزدا ورىندالۋ بارىسى تالقىلاندى. وبلىس اكىمى، كوميسسيا توراعاسى كارىم كوكىرەكباەۆتىڭ توراعالىعىمەن وتكەن جيىنعا كوميسسيا مۇشەلەرىمەن قاتار، اۋدان اكىمدەرى، باسقارما باسشىلارى، جوعارى وقۋ ورىندارىنىڭ رەكتورلارى، زيالى قاۋىم وكىلدەرى قاتىستى. كۇن تارتىبىندەگى ماسەلە بويىنشا وبلىس اكىمدىگى ىشكى ساياسات باسقارماسىنىڭ باسشىسى عاليا بورانباەۆا «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا جىل بويى اتقارىلعان جۇمىستارعا كەڭىنەن توقتالدى.

اعىمداعى جىلى ماقالا جاريالانعالى وڭىرىمىزدە ونى ناسيحاتتاپ، جۇزەگە اسىرۋ ماقساتىندا ءتۇرلى فورماتتا 6500-دەن استام ءىس-شارا وتكىزىلگەن. ونىڭ ىشىندە تاراز قالاسى (578)، قورداي اۋدانى (425) كوش باستاپ تۇر. ال بۇل باعىتتا ەڭ از ءىس-شارا ۇيىمداستىرعان ت. رىسقۇلوۆ (196) پەن سارىسۋ اۋدانى (205) ەكەن. باسقارما باسشىسىنىڭ ايتۋىنشا، كەي اۋداندار مۇلدەم باسقا جيىنداردى دا «رۋحاني جاڭعىرۋعا قاتىستى ءوتتى» دەپ ەسەپ بەرۋدى ادەتكە اينالدىرىپتى. بۇل باعىتتا از ءىس-شارا وتكىزگەن كەيبىر اۋدان اكىمدەرى ونىڭ سانىنا ەمەس، ساپاسىنا قاراي جۇمىس ىستەپ جاتقاندىقتارىن ايتىپ اقتالدى. الايدا وبلىس باسشىسى كارىم ناسبەك ۇلى 500، 600-گە جۋىق ءىس-شارانى ۇيىمداستىرىپ، وتكىزە بىلگەن اۋدانداردىڭ جۇمىسىن جوققا شىعارماۋ كەرەكتىگىن، سانىنا دا، ساپاسىنا دا باسا ءمان بەرە وتىرىپ جۇمىس ىستەۋ قاجەتتىگىن قاداپ ايتتى.
اتالمىش تاقىرىپتا رەسپۋبليكالىق، وبلىستىق، اۋداندىق باق-تاردا بارلىعى 7961 ماتەريال جاريالانىپتى. ونىڭ ىشىندە جامبىل مەن ت. رىسقۇلوۆ اۋداندىق باسىلىمدارىندا جاريالانعان ماتەريالدار سانى از. ەڭ كوبى تاراز قالاسى مەن سارىسۋ، جۋالى اۋداندارىنىڭ ەنشىسىندە.
جالپى، جىل باسىنان بەرى 353 ميلليون تەڭگەگە 22 جوبا جۇزەگە اسقان. رەەسترگە ەنگەن 82 جوبا مەن كەلەر جىلعا جوسپارلانعان ءىس-شارالارعا بارلىعى 4 974 010،0 ميلليون تەڭگە قارالىپتى.
كارىم ناسبەك ۇلى باسقارما، اۋدان اكىمدىكتەرى تاراپىنان جۇمىس ءالى دە شيراتۋدى قاجەت ەتەتىندىگىن ايتتى.
كەلەسى كەزەكتە اتالمىش تاقىرىپتا ەسەپ بەرگەن وبلىس اكىمدىگى كاسىپكەرلىك جانە يندۋستريالدى-يننوۆاتسيالىق دامىتۋ باسقارماسىنىڭ باسشىسى قارلىعاش ارالبەكوۆا باسقارما باستاماسىمەن اتقارىلعان 8 نەگىزگى جوباعا ەگجەي-تەگجەيلى توقتالىپ ءوتتى. وبلىس باسشىسى باسقارما باسشىسىنا تاريحى تەرەڭنەن سىر تارتقان جامبىل جەرىنىڭ تۋريستىك كلاستەرىنە باسا ءمان بەرىپ، نەگىزگى جۇمىستى وسى باعىتتا اتقارۋ قاجەت ەكەندىگىن ەسكەرتتى.
مۇنان سوڭ تيگۋ مەن م.ح.دۋلاتي اتىنداعى تارمۋ-دىڭ رەكتورلارى ەربولات ساۋرىقوۆ پەن ماحمەتعالي سارىبەكوۆ جوعارى وقۋ ورىندارىندا رۋحاني جاڭعىرۋ بويىنشا اتقارىلعان جۇمىستاردى باياندادى.
كوميسسيا وتىرىسىن قورىتىندىلاعان وبلىس اكىمى كەلەر جىلى كوميسسيا قاراۋىنا جوبالاردى ۇسىنۋدى، جوعارى وقۋ ورىندارى مەن مەكتەپتەردە ماقالانى ءتۇسىندىرۋ، ناسيحاتتاۋ جۇمىستارىن جەتىلدىرۋدى تاپسىردى.
سۋرەتتى تۇسىرگەن
ەرلان وماروۆ.

About admin

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>