The Fight Game YouTube-ارناسى مەكسيكالىق ساۋل «كانەلو» الۆارەس پەن قازاقستاندىق گەننادي GGG گولوۆكين اراسىنداعى رەۆانشقا ارنالعان ترەيلەر جاريالادى. قازان ايىنىڭ باسىندا بۇكىلالەمدىك بوكس كەڭەسى گولوۆكين مەن «كانەلونىڭ» رەۆانشىن وتكىزۋ تۋرالى شەشىم شىعارعان. بوكسشىلاردىڭ كومانداسى كەلىسسوزدەر جۇرگىزۋگە كىرىسىپ كەتتى. ولاردىڭ جەكپە-جەگى 2018 جىلدىڭ 5 مامىرىنا بەلگىلەنىپ وتىر. جەكپە-جەك وتكىزۋگە ءۇش قالا ءۇمىتتى. ەسكە سالايىق، گولوۆكين مەن الۆارەستىڭ ءبىرىنشى جەكپە-جەگى 16 قىركۇيەكتە لاس-ۆەگاستاعى T-Mobile ارەناسىندا ءوتىپ، تەڭ اياقتالعان ەدى. قازاقستاندىق وسىلايشا بارلىق تيتۋلىن قورعاپ قالعان، الايدا 37 جەڭىسىنەن تۇراتىن جولى ۇزىلگەن ەدى.