اق جول جامبىل وبلىستىق قوعامدىق- ساياسي گازەت
تالاس اۋدانىنىڭ اكىمى بولات رىسمەنديەۆ زەينەت جاسىنا جەتۋىنە بايلانىستى قىزمەتىنەن بوساتىلدى
كەشە تالاس اۋدانى اكىمدىگىنىڭ ءماجىلىس زالىندا اۋدان اكتيۆىنىڭ جينالىسى ءوتتى. وعان قالا جانە اۋدان ەلدى مەكەندەرىنىڭ وكىلدەرى، ارداگەرلەر، اۋداندىق ءماسليحاتتىڭ دەپۋتاتتارى، مەكەمە، كاسىپورىن، ۇيىم جەتەكشىلەرى جانە بۇقارالىق اقپارات قۇرالدارىنىڭ وكىلدەرى قاتىستى.
اكتيۆ جيىنىندا وبلىس اكىمى كارىم كوكىرەكباەۆ ءسوز سويلەپ، اۋدان اكىمى بولات قاناتباي ۇلى رىسمەنديەۆتىڭ زەينەت جاسىنا جەتۋىنە بايلانىستى قىزمەتىنەن بوساتۋ تۋرالى قازاقستان رەسپۋبليكاسى پرەزيدەنتى اكىمشىلىگىنىڭ شەشىمىن جاريا ەتىپ، بۇل مىندەتتى ۋاقىتشا اتقارۋ اۋدان اكىمىنىڭ ورىنباسارى قايرات راحىمجانوۆقا جۇكتەلەتىنىن ءمالىم ەتتى.
– وزدەرىڭىز بىلەسىزدەر، – دەدى ايماق باسشىسى، – بولات رىسمەنديەۆ تالاس اۋدانىندا ءۇش جىل، ءۇش اي قىزمەت ەتتى. ەلباسىنىڭ، ۇكىمەتتىڭ العا قويعان مىندەتتەرىن جۇزەگە اسىرۋدا ىسكەرلىك كورسەتتى. وسى جىلدار ىشىندە قاراتاۋ قالاسىندا ناتري ءتسيانيدىن وندىرەتىن، تسەمەنت شىعاراتىن، ءمارمار ۇنتاعىن ازىرلەيتىن زاۋىتتار ىسكە قوسىلدى. سونداي-اق، اۋدانداعى ەلدى مەكەندەردە مەكتەپتەر مەن مەديتسينالىق پۋنكتتەر سالىنىپ، حالىق يگىلىگىنە ۇسىنىلدى.
مونوقالالاردى دامىتۋدىڭ 2012-2020 باعدارلاماسىنا سايكەس قالادا سپورت كەشەنى، اۋداندىق ەمحانا سياقتى ءىرى نىساندار سالىنىپ، تەك سوڭعى ەكى جىلدا 37 كوشە جوندەلدى. قالا تۇرعىندارى گازبەن تولىق قامتىلىپ، ءاربىر ۇيگە اۋىزسۋ جەتكىزىلدى. سونداي-اق، كوشەلەردىڭ، جولداردىڭ بويى گۇلزارلارمەن كومكەرىلدى.
ول باسقارعان جىلدارى حالىقتىڭ ءال-اۋقاتى ارتتى. ءارى اكىم رەتىندە مەملەكەتكە ادال قىزمەت ەتۋدىڭ ۇلگىسىن كورسەتتى.
بۇدان كەيىن كارىم ناسبەك ۇلى ب. رىسمەنديەۆكە ۇزاق جىلعى جەمىستى ەڭبەگى ءۇشىن وبلىس اكىمىنىڭ العىس حاتىن جانە باعالى سىيلىق تابىستاپ، ۇزاق عۇمىر، وتباسىنا اماندىق تىلەدى.
بولات رىسمەنديەۆ ءوزىنىڭ قىزمەتىنە جوعارى باعا بەرگەنىنە ريزالىعىن ءبىلدىرىپ، اۋداننىڭ ەكونوميكالىق-الەۋمەتتىك دامۋىنا ۇلەس قوسۋدا وزىمەن تۇسىنىستىكتە، بىلەك بىرىكتىرە ەڭبەك ەتكەن اۋدان حالقىنا، ءماسليحات دەپۋتاتتارىنا، ارداگەرلەرگە شىن جۇرەكتەن العىس ايتتى. ءبىر وزىنەن 59 ەڭبەك ەرى، ەكى كەڭەس وداعىنىڭ باتىرى شىققان تالاس اۋدانىنىڭ بولاشاعىنىڭ بۇدان دا زور ەكەندىگىنە سەنەتىندىگىن جەتكىزدى. قاراتاۋ قالاسى الداعى ۋاقىتتا ەلىمىزدەگى ەڭ اسەم قالا بولاتىندىعىن اتاپ كورسەتتى.
– بىرلىگى مىعىم، ۇلتتىق سالت-ءداستۇرىنىڭ قايماعى بۇزىلماعان تالاستىقتار مەنىڭ جۇرەگىمدە ماڭگى قالادى، – دەدى ول.
اكتيۆ جيىنىندا اۋداندىق قوعامدىق كەڭەستىڭ توراعاسى ج.اسەموۆ اۋداننىڭ بۇرىنعى اكىمىنىڭ ىسكەرلىگىنە تالاي مارتە كوزى جەتكەندىگىن اتاپ كورسەتسە، اۋداندىق ارداگەرلەر كەڭەسىنىڭ توراعاسى ب.كولباي ۇلى ونىڭ سوڭعى ءۇش جىلدا اتقارعان قىزمەتىنە وڭ باعاسىن بەردى. اقكول اۋىلدىق ارداگەرلەر كەڭەسىنىڭ توراعاسى ت.تاجىبەكوۆ اۋىلدىڭ ينفراقۇرىلىمىن جاڭعىرتۋدا ەرەكشە كومەك كورسەتكەنى ءۇشىن وبلىس اكىمى ك.كوكىرەكباەۆقا العىسىن جەتكىزىپ، حالىقتىڭ مۇڭ-مۇقتاجىنا اركەز مۇقيات قاراپ، ناعىز باسشىنىڭ ۇلگىسىن كورسەتكەنى ءۇشىن ب.رىسمەنديەۆكە باتاسىن بەردى. تاراز قالالىق ءماسليحاتىنىڭ حاتشىسى ب.قۇلەكەەۆ قاراتاۋ قالاسىنداعى وڭ وزگەرىستەردىڭ ب. رىسمەنديەۆتىڭ تۇسىندا جاسالىنعانىن اتاپ كورسەتتى.
اكتيۆ جيىنىن قورىتىندىلاعان وبلىس اكىمى ك.كوكىرەكباەۆ اۋدان حالقىنىڭ اۋىزبىرشىلىگىنە رازىلىعىن ايماقتا الداعى ۋاقىتتا دا وركەندى وزگەرىستەردىڭ جالعاساتىنىن نىق سەنىممەن ايتتى.
قاراتاۋ قالاسى،
تالاس اۋدانى.
ساۋلەمباي ابسادىق ۇلى،
«اق جول».