قر پرەزيدەنتى: «ەكسپو-2017» كورمەسىنىڭ پاۆيلوندارى مۋزەي رەتىندە ساقتالادى

قر پرەزيدەنتى: «ەكسپو-2017» كورمەسىنىڭ پاۆيلوندارى مۋزەي رەتىندە ساقتالادى

استانا. قازاقپارات — قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ «ەكسپو-2017» حالىقارالىق كورمەسىن جابىق دەپ جاريالادى، دەپ حابارلايدى «قازاقپارات» حاا ءتىلشىسى. «ەكسپو-2017» كورمەسى — يننوۆاتسيالىق دامۋدىڭ جاڭا كەزەڭدەرىن باعىندىرۋعا جول اشاتىن ۇلكەن تاجىريبە مەن مۇرا قالدىرىپ وتىر. كورمە كەشەنىنىڭ ينفراقۇرىلىمى ونىڭ جابىلۋىنان كەيىن دە تولىققاندى جۇمىس اتقاراتىن بولادى. ءبىزدىڭ «نۇر الەم» ۇلتتىق پاۆيلونى مەن تاعى دا بىرقاتار پاۆيلوندار «ەكسپو-2017» كورمەسىنىڭ مۇراسى جانە مۋزەي بولىپ ساقتالادى. «ەكسپو-2017» كورمەسىنىڭ جابىلۋى وسى بازاداعى اۋقىمدى جوبالاردىڭ باستاماسى بولادى»، — دەدى نۇرسۇلتان نازارباەۆ. ەلباسى سوزىندە ەڭ الدىمەن «استانا» حالىقارالىق قارجى ورتالىعى كورمە اۋماعىندا جۇمىس جۇرگىزەتىنىن اتاپ ءوتتى. «حالىقارالىق قارجى ورتالىعى قارجى حابى بولىپ، ينۆەستيتسيا تارتۋ ورتالىعى مەن ۇزدىك قارجى جۇيەسى بولۋى كەرەك. قۇرىلعان جاسىل تەحنولوگيالاردى دامىتۋ بويىنشا حالىقارالىق ينۆەستيتسيا ورتالىعى جاسىل تەحنولوگيالاردى دامىتۋدىڭ جاھاندىق تىنىسىنا سەرپىن بەرەدى. IT ستارتاپتاردىڭ حالىقارالىق تەحنوپاركى IT كاسىپكەرلەرى مەن الەمنىڭ ينۆەستورلارىن تارتاتىن الاڭعا اينالادى. وسىلايشا، «ەكسپو-2017» كورمەسىنىڭ كورمە كەشەنى يننوۆاتسيالىق تۇراقتى دامۋ باعىتىنا ۇلەس قوسىپ، جاڭا ورتالىقتاردىڭ جۇمىسىندا ءبارىن دە بەلسەندى سەرىكتەستىككە شاقىرادى. وسىمەن حالىقارالىق كورمەنى جابىق دەپ جاريالايمىن. ۇلكەن كورمەنىڭ قۇرىلىسى بار-بولعانى ءۇش جىلدا سالىندى. قالانىڭ ۇلكەن اۋدانى، ەڭ كوركەم اۋدانى سالىندى»، — دەدى پرەزيدەنت. ەسكە سالا كەتسەك، استانادا بۇگىن «ەكسپو-2017» حالىقارالىق كورمەسىنىڭ جابىلۋ سالتاناتى ءوتىپ جاتىر. كورمە اۋماعىنداعى پاۆيلوندار جۇمىسىن توقتاتىپ، شاراعا وراي سالتاناتتى شارالار ۇيىمداستىرىلۋدا. كورمەگە ءۇش ايدىڭ ىشىندە شامامەن 4 ميلليونعا جۋىق ادام كەلگەن.

اقپارات كوزى kazinform.kz

Leave a Reply

Your email address will not be published. Required fields are marked *

*

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>