Ақ жол Жамбыл облыстық қоғамдық- саяси газет
Түркияның Хаккари провинциясы Шемдинли ауданындағы жандармерия күзет орны маңындағы миналанған көлікте болған жарылыстан кем дегенде 17 адам қаза тапты, — деп хабарлайдыРИА Новости провинция губернаторы Гюнет Орхан Топрактың хабарламасына сілтеме жасап.
Осыған дейін Түркия қарулы күштерінің бас штабындағылар сегіз адамның қаза тауып, тағы бес әскеридің зардап шеккенін хабарлаған болатын. Сондай-ақ, Түркияда тыйым салынған Күрдістан жұмыс партиясындағылар осы жарылысты ұйымдастырды деген күдіктің болғаны айтылды.
«Шемдинлиде болған жарылыстың салдарынан 17 адам қаза тапты, олардың тоғызы — әскерилер. Олардан басқа тағы 27 адам зардап шекті», — деп мәлімдеді Топрак телеарнаға берген сұхбатында.
Ақпарат көзі: Kaz.tengrinews.kz