اق جول جامبىل وبلىستىق قوعامدىق- ساياسي گازەت
تۇماۋدىڭ تارالۋىنىڭ ەكىنشى تولقىنىنىڭ باستالۋىنا بايلانىستى ەلوردا تۇرعىندارى ءۇشىن قالالىق ەمحانالاردا قىزۋى كوتەرىلگەن ناۋقاستاردى جەكە قابىلدايتىن كابينەتتەر اشىلدى، دەپ حابارلايدى قالانىڭ رەسمي http://astana.gov.kz/kk/modules/material/10090 .
سونىمەن قاتار، ەمدەۋ مەكەمەلەرىندە جۇمىس كۇنى ساعات 20:00-گە، ال سەنبى كۇنى ساعات 18:00-گە ۇزارتىلدى. قوسىمشا كولىك ءبولىنىپ، جۇمىسقا جارامسىزدىق قاعازىن بىردەن 7 كۇنگە بەرۋ ءتارتىبى ورناتىلدى.
بۇگىنگى تاڭدا ەلوردادا تۇماۋدىڭ الدىن الۋ بويىنشا ءتيىستى جۇمىستاردى جۇرگىزۋ ماقساتىندا 20 ءموبيلدى توپ ۇيىمداستىرىلدى. 1 قازاندا جرۆي ماۋسىمى باستالعالى 41 بالاباقشا، 65 مەكتەپ، 4 جوو، 9 ووم پروفيلاكتيكالىق جۇمىسپەن قامتىلدى.
ايتا كەتەيىك، بيىل 21 قاڭتاردا باستاپقى مەديتسينالىق-سانيتارلىق كومەك ۇيىمدارى جرۆي-گە شالدىققان جۇكتى ايەلدەردى انىقتاۋ ءۇشىن ۇيلەردى ارالاپ، ءتۇسىندىرۋ جۇمىستارىن جۇرگىزدى. قازىرگى كەزدە 95 مىڭنان استام ادام قارالدى. سونداي-اق، استانا قالاسىنىڭ ستاتسيونارلارىندا ماسكا كيۋ ءتارتىبى بەلگىلەنىپ، ناۋقاستارعا كەلۋشىلەرگە شەكتەۋ قويىلدى.
قابىلدانعان پروفيلاكتيكالىق شارالاردىڭ ارقاسىندا ەلوردادا تۇماۋعا شالدىعۋ جاعدايى تۇراقتى بولىپ قالۋدا.
دارىگەرلەر قالا تۇرعىندارىنا ەپيدەميولوگيالىق ماۋسىمدا ءوزىن-ءوزى ۇستانۋدىڭ قاراپايىم ەرەجەلەرىن ساقتاۋ قاجەتتىلىگىن ەسكەرتەدى. اۋرۋعا شالدىعۋدى بولدىرماۋ ءۇشىن دارىگەرلەر بۇقارالىق شارالارعا بارعان كەزدە ماسكا كيۋگە، قولدى سابىنمەن نەمەسە باسقا دا زالالسىزداندىرۋشى زاتتارمەن ءجيى جۋعا، تۇماۋدى ەرتە انىقتاعان جاعدايدا ءساتتى ەمدەۋگە بولاتىندىقتان اۋرۋدىڭ العاشقى بەلگىلەرى بىلىنگەن كەزدە ۋچاسكەلىك نەمەسە وتباسىلىق دارىگەرگە جۇگىنۋگە شاقىرادى.