اق جول جامبىل وبلىستىق قوعامدىق- ساياسي گازەت
پولشانىڭ پرەزيدەنتى اندجەي دۋدا جول اپاتىنا ۇشىرادى. ول وتىرعان ليمۋزين قاتتى كەلە جاتقاندا ارتقى دوڭگەلەگى جارىلعان، ابىروي بولعاندا جۇرگىزۋشى جول شەتىندەگى شۇڭقىرعا بۇرىپ ۇلگەرگەن. قازىر ۇكىمەتتىڭ كۇزەت قىزمەتى جول وقيعاسىن تەكسەرۋگە كىرىستى، دەپ حابارلايدى رەسەيلىك ربك اگەنتتىگى.
پولشا پرەزيدەنتى اندجەي دۋدا كارپاچ قالاسىنان لەۆين-بجەسكي قالاسىنا بارا جاتقانىندا A4 تاس جولىندا جول وقيعاسىنا ۇشىرادى. پولياك راديوسىنىڭ حابارلاۋىنشا، مەملەكەت باسشىسى وتىرعان ليمۋزين قاتتى جىلدامدىقپەن كەلە جاتقاندا ارتقى دوڭگەلەگى جارىلىپ كەتكەن.
جۇرگىزۋشى قارسى كەلە جاتقان كولىكتەرگە سوعىلىپ قالماۋ ءۇشىن بۇرىلىپ جول شەتىندەگى شۇڭقىرعا ءتۇسىپ كەتكەن. وقيعادان ەشكىم زارداپ شەكپەگەن. دۋدا كورتەجدەگى باسقا كولىككە وتىرىپ ساپارىن جالعاستىرعان.
TVN تەلەارناسىنا سۇحبات بەرگەن دۋدا اۆتوموبيل كيۋۆەتكە ءتۇسىپ كەتكەنىن ايتىپ، ەشكىمنىڭ زارداپ شەكپەگەنىن جەتكىزگەن. «اسا ۇلكەن اپات بولمادى» دەپ مالىمدەدى ول. ونىڭ ايتۋىنشا، كولىك دوڭگەلەگى ۇدايى تەكسەرىلىپ تۇراتىندىقتان مۇنداي جاعداي قايتالانباۋى ءتيىس.
ۇكىمەتتىڭ كۇزەت بيۋروسىنىڭ باسشىسى، پولكوۆنيك اندجەي پاۆليكوۆسكي وقيعادان سوڭ دەرەۋ تەكسەرۋدى باستادى، جارىلعان دوڭگەلەك شيناسى ارنايى ساراپتاماعا جىبەرىلدى.