جامبىل وبلىسىندا تاعى ءبىر ەجەلگى قالانى قازۋعا 30 ملن تەڭگە ءبولىندى

جامبىل وبلىسىندا تاعى ءبىر ەجەلگى قالانى قازۋعا 30 ملن تەڭگە ءبولىندى

ورتالىق كوممۋنيكاتسيالار قىزمەتىنىڭ ايماقتىق فيليالىندا بولعان بريفينگتە جامبىل وبلىسىنداعى تۋريزم نىساندارىنىڭ ەكسپو-2017 كورمەسىنە دايىندىعى تۋرالى جامبىل وبلىسى اكىمدىگىنىڭ مادەنيەت، مۇراعات جانە قۇجاتتاندىرۋ باسقارماسىنىڭ باسشىسى دۇيسەنالى بىقىباەۆ حابارلادى،-دەپ جازادى قازاقپارات.
ەسكە سالا كەتەيىك، تارازدا جەرگىلىكتى بيۋدجەت قارجىلاندىرۋمەن  «ءى-ءحىح عاسىرلارداعى ەجەلگى تاراز» ارحەولوگيالىق قازبا جۇمىستارى ءجۇرىپ جاتىر. ارحەولوگتار 6-12 عاسىرلارعا جاتاتىن 40 مىڭ ارتەفاكتىلەر، 8-9 عاسىرلارداعى مەدرەسە، مەشىتتەر، تالاس وزەنىنىڭ كونە  ارناسىنىڭ جاعالاۋى، قۇرىلىس ورىندارىن تاپقان.
د. بىقىباەۆ اتاپ وتكەندەي، «ەجەلگى تاراز» قالاسىنىڭ شاحريستان ۋچاستوگىندا قازبا جۇمىستارىن جالعاستىرۋ ءۇشىن 2016 جىلعا 30 ملن تەڭگە ءبولىندى. «بۇگىندە «ەجەلگى تاراز» مۋزەيىنىڭ قۇرىلىسى، «مىڭبۇلاق» اللەياسى، «تاراز اۋەندەرى كەشەنى»، بيىك مۇنارانىڭ قۇرىلىسى اياقتالدى. ەتنومادەني ورتالىقتىڭ قۇرىلىس جۇمىستارى ءجۇرىپ جاتىر. وتكەن 2015 جىلى تارازداعى ەتنوتۋريزمدى دامىتۋ ءۇشىن «10-12 عاسىرلارداعى تورتكۇل» كەرۋەن-سارايىن قالپىنا كەلتىرۋ ءۇشىن وبلىستىق بيۋدجەتتەن 28 ملن تەڭگە ءبولىندى»، — دەپ اتاپ ءوتتى مادەنيەت باسقارماسىندا.
تەرريتورياسى 20 گەكتار بولاتىن «ەجەلگى تاراز» كەشەنىنىڭ قۇرىلىسىنىڭ جالپى قۇنى 2،5 ملرد تەڭگەنى قۇرايدى. جەرگىلىكتى بيۋدجەتتەن قازبا جۇمىستارىن جۇرگىزۋگە 2011 جىلى 348 ملن تەڭگە ءبولىندى. «ەجەلگى تاراز» ەسكەرتكىشىنىڭ ايماعىنداعى مۋزەي قۇرىلىسى ءۇشىن رەسپۋبليكالىق بيۋدجەتتەن 832،3 ملن تەڭگە بولىنگەن.
عىلىمي-زەرتتەۋ جۇمىستارىن «ارحەلوگيالىق ساراپتاۋ» جشس مەن «قازارحەولوگيا» جشس جۇرگىزىپ جاتىر.
«ەجەلگى تاراز» كەشەنى وبلىستا حالىقارالىق تۋريستىك برەند بولماق، ول «ەكسپو-2017» كورمەسىنە كەلگەن قوناقتار باراتىن قالالاردىڭ تىزىمىنە ەنگەن.

Leave a Reply

Your email address will not be published. Required fields are marked *

*

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>