اق جول جامبىل وبلىستىق قوعامدىق- ساياسي گازەت
الماتىدا 22-27 ناۋرىز ارالىعىندا ءا.قاستەەۆ اتىنداعى ونەر مۇراجايىندا ءبىر اپتا بويى «مۇراجايداعى ناۋرىز» فەستيۆالى وتكىزىلەدى.
مەرەكەلىك اپتانىڭ ءاربىر كۇنى كەلۋشىلەر ءۇشىن ينتەراكتيۆتىك، تانىمدىق جانە ويىن-ساۋىق شارالارى ۇيىمداستىرىلادى.
ونەر مۇراجايى ءباسپاسوز قىزمەتىنىڭ حابارلاۋىنشا، كۇن سايىن ۇلتتىق كيىم كيىپ كەلگەن ادام مۇراجايعا تەگىن كىرەدى.
ال مۇراجايدا ءار كۇنى ساعات 11.00-دەن 17.00-گە دەيىن «شاي الەمى» شاراسى وتكىزىلەدى. كەلۋشىلەر قىش شاينەكتەرگە ورنەك سالۋدان وتكىزىلەتىن شەبەرلىك ساباعىنا قاتىسىپ، شايدان ءدام تاتا الادى.
سونداي-اق، كۇن سايىن مۇراجايدىڭ ءماجىلىس زالىندا حالىقتىق-قولدانبالى ونەر مەن كيىم تاريحى جونىندە ءدارىس وقىلادى، ال زالداردا بىرقاتار تاقىرىپتىق جانە ينتەراكتيۆتىك كورمەلەر اشىلادى.
«بۇلاردان باسقا، اپتانىڭ ءاربىر كۇنى ارنايى باعدارلاما جۇزەگە اسىرىلادى:
22 ناۋرىز — «كوكتەمگى كۇن مەن ءتۇننىڭ تەڭەلگەن كۇنى». ساعات 16.00-دە
ديزاينەر حافيز حاننىڭ «ايەل كويلەگى. ازيانىڭ 12 تاريحى» اتتى
موڭعول داۋىرىنە دەيىنگى كويلەكتەر كورمەسى اشىلادى.
23 ناۋرىز — «كيىز باسۋ كۇنى». تۇستەن كەيىن مۇراجايعا كەلگەندەر كيىز باسۋعا اتسالىسادى. حالىق شەبەرلەرى تەكەمەت باسادى.
24 ناۋرىز — «دالا سازدارى كۇنى». ساعات 16.00-دە — راۋشان بازارعاليەۆانىڭ جەكە كورمەسى اشىلادى. كورمەدە ءتۇرلى ساندىك-قولدانبالى ونەر تەحنيكاسىندا ورىندالعان اۆتورلىق تۋىندىلارى — گوبەلەن، كيىز پاننو، باتيك، شي كورسەتىلەدى.
25 ناۋرىز — «كينەماتوگرافيا كۇنى». ساعات 11.00-دەن 17.00-گە دەيىن — مۇراجايدىڭ ءماجىلىس زالىندا كينەماتوگرافيا جاۋھارلارى — اۆتورلىق ۆيدەو-ارت، ونەر جايلى قىسقامەتراجدى فيلمدەر، ءتىپتى ارت-حاۋس ستيلىندەگى كينولار كورسەتىلەدى.
26 ناۋرىز «كۆەست كۇنى» (كومپيۋتەرلىك ويىن ءتۇرى). ساعات 17.00 — ەستەن كەتپەس كۆەست بولادى. ونىڭ ءاربىر قاتىسۋشىنا توسىنسىيلار بەرىلەدى. ويىنعا قاتىسۋ ءۇشىن مىندەتتى تۇردە الدىن-الا تىركەلۋ قاجەت. قاتىسۋ اقىلى.
ال سول كۇنى كەشكە مۇراجايعا كەلۋشىلەر ءۇشىن ءتۇرلى شىعارماشىلىق ۇجىمداردىڭ كونتسەرتتىك باعدارلاماسى مەن «اققۋ» by Lumiere» بىرەگەي ساۋلەلى ساۋىق-دۋمانىنىڭ پرەمەراسى بولادى»، — دەلىنگەن حابارلامادا.
ايتا كەتەلىك، فەستيۆالدىڭ سەرىكتەستەرى: ت. ق. جۇرگەنوۆ اتىنداعى قازۇوا، الماتى ۆولونتەرلار قاۋىمداستىعى، «Kazakhstan Fashion Week»، «چايكوفسكي» جشس، «Lumiere»، «Fokus» شىعارماشىلىق ۇجىمى.