اق جول جامبىل وبلىستىق قوعامدىق- ساياسي گازەت
كيپردىڭ ەنەرگەتيكا، اۋىل شارۋاشىلىعى مەن تۋريزم مينيسترلىگىنىڭ قىزمەتكەرى پرەزيدەنتكە وزىنە شامادان تىس جالاقى بەرىلەتىندىگىنە شاعىمدانا وتىرىپ حات جولدادى، دەپ حابارلايدى بي-بي-سي اگەنتتىگى.
حاتىندا ماريوسا درۋشيوتيس سوڭعى جىلدارى ەشقانداي جۇمىس ىستەمەگەنىن كەلتىرە كەتكەن. ناقتىلاي كەتسەك، قىزمەتكەرگە باسشىلىق ەشبىر تاپسىرما بەرمەگەن، ءارى ول دا ەشتەڭە تىندىرماعان. ءبىر جىل ىشىندە ونىڭ قولىنان بىردە ءبىر قۇجات وتپەگەن.
شەنەۋنىك ءوزىنىڭ جوعارى جالاقى الاتىن قىزمەتكەرلەر ساناتىنا جاتاتىنىن مالىمدەگەن. فرانس پرەسس اگەنتتىگىنىڭ حابارلاۋىنشا، كيپردە وسىنداي دەڭگەيدەگى قىزمەتكەردىڭ ايلىق جالاقىسى 5 مىڭ ەۋرو ەكەن، الايدا ەلدەگى ورتاشا جالاقى ءبىر جارىم مىڭ ەۋرودان اسپايدى.
درۋشيوتيس ەشتەڭە تىندىرمايتىن بولعاندىقتان، جۇمىسقا كەلۋدىڭ ءوزى ارتىق دەپ سانايدى، ويتكەنى ول كەڭسەدە بولماسا جىلىتۋ جانە ەلەكتر قۋاتىن ۇنەمدەۋگە بولادى ەكەن.
ازىرگە پرەزيدەنت ءباسپاسوز قىزمەتى حاتقا وراي جاۋاپ بەرمەگەن، ال مينيسترلىك باسشىلىعى ءدرۋشيوتيستىڭ لاۋازىمى ماڭىزدى دەپ ءمالىم ەتتى.