اق جول جامبىل وبلىستىق قوعامدىق- ساياسي گازەت
19 جاستاعى نورۆەگيالىق الەكساندرا اندەرسەن Forbes-ءتىڭ جاڭا رەيتينگى بويىنشا الەمدەگى ەڭ جاس ميللياردەرى اتاندى. ونىڭ بايلىعى — 1،2 ملرد. دوللار.
الەكساندرانىڭ Ferd ينۆەستيتسيالىق كومپانياسىندا ۇلەسى بار، سول اكتسيالارى ونى الەمدەگى ەڭ جاس ميللياردەر اتاندىردى. اندەرسەننىڭ ءوزى اقشا تابۋعا كوپ قۇنىقپايدى، ول اتقا مىنگەندى جاقسى كورەدى جانە نورۆەگياداعى ەڭ مىقتى دەگەن سپورتشىلاردىڭ ءبىرى بولىپ سانالادى.
الەكساندرانىڭ وتباسى ەرتەرەكتە تەمەكى بيزنەسىمەن اينالىسقان. جاس ميللياردەردىڭ ۇلكەن اتاسىنىڭ 1849 جىلى قۇرعان كومپانياسى ۋاقىت وتە كەلە نورۆەگياداعى ەڭ ءىرى تەمەكى ءوندىرۋشى كومپانيا بولىپ سانالدى. 2005 جىلى فيرمانى ساتىپ جىبەرەدى، ال ودان تۇسكەن 500 ملن دوللاردى ينۆەستيتسيالار قورىنا سالادى. 2007 جىلى اكەسى الەكساندرا مەن ەكىنشى قىزى كاتارينانىڭ اتىنا اكتسيانىڭ ۇلكەن بولىگىن اۋدارادى، ال وزىنە تەك 15 پايىزىن الىپ قالعان، دەپ جازادى شەتەلدىك باق.