Өзен емес өзен

Алжир жеріндегі Сиди Бель Аббес қалашығына жақын маңда өте ерекше өзен бар. Бұл су қоймасының атауы Жер шарына әртүрлі болып таралған. Біреулер оны «Сиялы өзен» десе, келесілері «Әзәзілдің көзі» деп жатады, енді бірі «Қара өзен» немесе «Сиясауыт» деп атайды екен.
Өзеннің мұндай ерекше атауларды тағынуының өзіндік себептері бар. Сенесіз бе, әдетте өзенде су толып жататын болса, бұл жерде оның орнына кәдімгідей сия ағып жатыр. Сияның улы болғандығы соншалықты, өзенде бірде-бір балық та, өсімдік те жоқ.
Зерттеуші ғалымдар ұзақ жылдар бойы Сиялы өзеннің құпиясын шеше алмай келген болатын. Дамыған жаңа технологиялардың арқасында оның сыры бертінде ашылды. Мұндай қойманың пайда болуына әсер еткен ең басты дүние өзенге келіп құятын қос өзен болып шықты. Біріншісінде темір тұзының концентрациясы өте жоғары болып келсе, екіншісі – шымтезекті шалшықты шайып өткен түрлі қоспалардан тұратын өзен. Осындай ерекшеліктерге ие қос өзен бір-бірімен қосылып, химиялық реакцияға түседі. Екі жақтан ағып келетін өзен ағыстары еш тоқтамайтын болғандықтан, қоймадағы су да сарқылған емес.
Бұл жердің байырғы тұрғындары ғалымдар тұжырымымен келіспейді. Олар бұл әзәзілдің ісі деп топшылайды.
Ал қара өзеннің сиясын Алжир аумағындағы кеңсе тауарларына арналған дүкендерден ғана емес, көптеген елдерден ұшырастыруға болады.

Leave a Reply

Your email address will not be published. Required fields are marked *

*

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>