مەنىڭ سۇيىكتى قالام

مەن تاراز قالاسىندا تۇرامىن. مەنىڭ تۋىپ وسكەن، كىندىك قانىم تامعان جەرىم دە وسى ارا. تاراز – كوپجىلدىق تاريحى بار، وزىندىك ەرەكشەلىكتەرىمەن دە تالاي جۇرتقا تانىمال شاھار. قالا تۇرعىندارى دا وتە مەيىرىمدى، اققوڭىل، مادەنيەتتى، سالاماتتى ءومىر سالتىن ۇستاناتىن جاندار. مەن ءوز قالامدى ەرەكشە ۇناتامىن، سۇيەمىن، سىيلايمىن ءارى قۇرمەت تۇتامىن. «الىپ انادان تۋادى» دەمەكشى، تاراز قالاسىنان الەمگە ءارى ۇرپاققا اتى ايگىلى بوپ قالعان كوپتەگەن تانىمال تۇلعالار: اقىندار، جازۋشىلار، عالىمدار، حالقىنا قالاۋلى، ەلىنە ەلەۋلى ازاماتتار – شىققان. مەنىڭ قالام – ماقتان تۇتارلىق قالا! تاراز قالاسىنىڭ جاستارى قورشاعان ورتامىز تابيعاتقا ىقىلاستانا قامقورلىق جاسايدى. ويتكەنى، ءوسىپ تۇرعان ءاربىر تال-داراق ءبىزدىڭ ومىرىمىزگە، ونىڭ ىشىندە دەنساۋلىعىمىزعا كوپ پايداسىن تيگىزۋدە. تابيعات انا بىزگە سىي بەرسە، ءبىز دە وعان «سىيعا-سىي» رەتىندە ايرىقشا قامقورلىق تانىتا ءبىلۋىمىز قاجەت. ءبىزدىڭ قالامىزدا جىلما-جىل دەرلىك جاس كوشەتتەر وتىرعىزۋ ءىسى دايەكتىلىكپەن جۇزەگە اسىرىلىپ وتىرادى. سول كوشەتتەر ءبىزدى جامان يىستەردەن قورعايدى. تارازدىڭ ماڭگى جاسىل قالاعا اينالۋىنا سەپتەسەدى. ايتپاقشى، بىلتىر قالا تۇرعىندارى قازاق حاندىعىنىڭ 550 جىلدىق مەرەيتويىن اتاپ ءوتتى. مەرەكەلىك ءىس-شارالارعا اتا-اناما ىلەسىپ مەن دە باردىم. ۇلكەن اعالاردىڭ جاڭادان كوپتەگەن گۇلزارلار اشقانىن كوردىم. اسىرەسە، ماعان كەرەي مەن جانىبەك حاندارعا تۇرعىزىلعان ەسكەرتكىشتىڭ ماڭى، «كونە تاراز» اشىق اسپان استىنداعى مۇراجاي-ساياباعى كەرەمەتتەي ۇنادى. تاراز گۇل-قالاعا، تازا قالاعا اينالدى. قالامىزدىڭ وسى قالپى ساقتالۋىنا ءبىز دە ۇلەس قوسامىز. ونىڭ ءاربىر تال-گ ۇلىن، كوشەتىن ايالاۋعا ءتيىسپىز. گۇلزار الاڭداردى ەندى دوستارىممەن بىرگە دەمالىس سايىن كەلىپ تاماشالاۋدى داعدىعا اينالدىرامىن. اركىم دە تۋعان جەرىنەن جىراققا كەتسە دە، تۋعان جەرىن اڭساماۋى مۇمكىن ەمەس. اقىلىڭ قالانى قالاسا، جۇرەگىڭ ارقاشان تۋعان ولكەڭدى قالايدى. مەن ارقاشان ءوز قالامدى ماقتان تۇتامىن!

ءامينا ابدىرايىموۆا،
تولە بي مەكتەپ-گيمنازياسىنىڭ
وقۋشىسى.

تاراز قالاسى.

Leave a Reply

Your email address will not be published. Required fields are marked *

*

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>