قىتاي باسشىسى سي تسزينپين استاناعا كەلدى، — دەپ حابارلايدى Tengrinews.kz تىلشىسى. 

اقوردادا جاڭا عانا قحر باسشىسىمەن سالتاناتتى كەزدەسۋ ءراسىمى ءوتتى. نۇرسۇلتان نازارباەۆ سي ءتسزينپيندى رەزيدەنتسياسىنىڭ كىرەر اۋزىندا كۇتىپ الدى. امانداسۋدان كەيىن پرەزيدەنت قازاقستان تاراپىنان بۇگىنگى كەلىسسوزدى جۇرگىزۋگە اتسالىساتىن قاتىسۋشىلاردى تانىستىردى. كەيىن نازارباەۆقا قىتاي دەلەگاتسياسى تانىستىرىلدى. ەكى ەلدىڭ ءانۇراندارى ورىندالدى. كەيىن ەكى ەل باسشىسى كەلىسسوزدەر جۇرگىزۋگە اتتاندى.

وسىعان دەيىن قىتاي باسشىسى قازاقستان پرەزيدەنتى نۇرسۇلتان نازارباەۆ تۋرالى جازعان پوستىندا استاناعا كەلۋىن «ساياسي قولداۋ بەلگىسى» دەپ تۇسىندىرگەن بولاتىن. سونىمەن قاتار، نۇرسۇلتان نازارباەۆتىڭ سايلاۋداعى جەڭىسىنەن كەيىن سي ءتسزىنپيننىڭ قازاقستانعا العاشقى ءىسساپارى ەكەنى دە ايتىلدى. قىتاي پرەزيدەنتى بۇل ءىسساپاردىڭ ەكى ەل اراسىنداعى ستراتەگيالىق ىنتىماقتاستىقتىڭ جوعارى دارەجەدە ەكەنىن كورسەتەتىن بەلگى ەكەنىن مالىمدەدى.

باسشىلار اراسىنداعى كەزدەسۋ بارىسىندا ەكونوميكالىق ۇلى جىبەك جولىنىڭ قۇرىلىسى تۋرالى ءسوز بولاتىنى بەلگىلى بولدى.

اقپارات كوزى tengrinews.kz