حورەوگرافيامەن اينالىسۋ سالاسىنا بالالار مەن جاسوسپىرىمدەردى تارتۋ ماقساتىندا «بالەتتى جانە ۇلتتىق ءبيدى دامىتۋ جانە قولداۋ قورىنىڭ» قولداۋىمەن وبلىستىڭ كوپتەگەن اۋىلدىق جانە اۋداندىق مادەنيەت ۇيلەرىندە تەگىن بي ۇيرەتۋ ۇيىرمەلەرى اشىلدى. نەلىكتەن تەگىن؟ ارينە، سەبەبى، ونىڭ ماقساتى ولاردى كەزەكتى تارقاتۋ جانە پايدا تابۋ ءۇشىن جەكە دارا تالانتتاردى ىزدەستىرۋ جانە انىقتاۋ ەمەس، كەرىسىنشە، بالالاردى حورەوگرافيالىق ونەرگە، ەستەتيكا سەزىمىن دامىتۋعا، سالاماتتى ءومىر سالتىن ۇستانۋعا جاپپاي تارتۋ. سونداي-اق، ولاردىڭ بوس ۋاقىتتارى مەن دەمالىستارىن ۇيىمداستىرۋدا بولىپ وتىر.
وبلىستا بۇگىنگى تاڭدا جۇمىس ىستەيتىن 6 بي ۇيرەتۋ زالىن اشۋ ءۇشىن، قور ۇلكەن دايىندىق جۇمىستارىن جۇرگىزدى.
بۇل رەتتە بيلەۋ ۇيىرمەلەرىن ۇيىمداستىرۋ جانە ولاردىڭ جۇمىس ىستەۋى بويىنشا بارلىق شىعىن، ونىڭ ىشىندە حورەوگرافتاردىڭ جالاقىلارىن قارجىلاندىرۋ قوردىڭ قاراجاتى ەسەبىنەن جۇزەگە اسىرىلدى جانە بۇدان ءارى دە جۇزەگە اسىرىلاتىن بولادى.
جوبا تۇجىرىمداماسىنا سايكەس، وسىنىڭ بارلىعى، بي جانە حورەوگرافيا ساباقتارىنان باسقا، ارنايى تارتىلعان جانە قاجەتتى بىلىكتىلىكتەرى بار حورەوگرافتار وتكىزەتىن تاربيەلىك اڭگىمەلەرمەن، بەينەماتەريالدارمەن جانە سالاماتتى ءومىر سالتىن قالىپتاستىرۋ بويىنشا سايكەس كەلەتىن پوليگرافيالىق ونىممەن بەكىتىلەدى.
اعىمداعى جىلعى اقپاننىڭ 13-ىنەن باستاپ 15-ىنە دەيىنگى ارالىقتا حورەوگرافتاردىڭ بىلىكتىلىكتەرىن ارتتىرۋ جانە شەبەرلىك-سىنىپتارىن وتكىزۋ ماقساتىندا، حورەوگرافيا جونىندەگى مامان ا.ءجۇنىسوۆا شاقىرىلدى. وسىنىڭ ارقاسىندا قور حورەوگرافتارى زەينەپ قالدانوۆا، كۇلاش بايتۇرسىنوۆا، ناتاليا چيستياكوۆا، ايگەرىم التىنبەك، ءمادينا تۇران جانە ۇلنۇر كوپباەۆا وزدەرىنىڭ كاسىبي دەڭگەيلەرىن ارتتىردى، كلاسسيكالىق، ۇلتتىق جانە زاماناۋي بي تاقىرىپتارى بويىنشا جاڭا بىلىمدەر مەن داعدىلاردى مەڭگەردى.
بۇگىنگى كۇنى تاراز قالاسى، جامبىل، جۋالى جانە سارىسۋ اۋداندىق بي ۇيىرمەلەرىندە جانە جامبىل اۋدانىنىڭ ايشا ءبيبى جانە ت. رىسقۇلوۆ اۋدانىنداعى كوكدونەن اۋىلدىق مادەنيەت ۇيلەرىندە 7 جاستان 16 جاسقا دەيىنگى 500-دەن استام ءبۇلدىرشىن بيمەن اينالىسۋدا.
قوردىڭ ماقساتى بالالار مەن جاسوسپىرىمدەردىڭ «كوشەنىڭ ىقپالىنا» تۇسپەي، مادەنيەتكە جانە ونەرگە ارالاسسا دەگەن ىزگى نيەتكە نەگىزدەلگەن. ۇيىرمەگە قاتىسۋشىلار ودان ءارى ۇلى ءبيشى نەمەسە حورەوگرافتار بولماسا دا، جاي عانا دەندەرى ساۋ، مادەنيەتتى، ونەردى باعالاي الاتىن ازامات بولىپ ەر جەتسە، سونىڭ ءوزى ءبىز ءۇشىن ۇلكەن جەڭىس بولماق.
قور وسىمەن عانا توقتاپ قالماي، بۇدان ءارى وبلىستىڭ بارلىق اۋدانىن ءوزىنىڭ قىزمەتىمەن قامتۋدى جانە ەلىمىزدىڭ وزگە دە وڭىرلەرىندە وسى ءتارىزدى ۇيىرمەلەر اشۋدى جوسپارلاپ وتىر.

جانات ابيلدينا،
بالەتتى، ۇلتتىق ءبيدى دامىتۋ جانە
قولداۋ قورىنىڭ مەنەدجەرى.

تاراز قالاسى.