ەلباسى كوكشەتاۋ وڭىرىندە

مەملەكەت باسشىسى «كاماز-ينجينيرينگ» اق-دا بولدى

ەلباسى كاسىپورىننىڭ جۇمىسىمەن تانىستى جانە زاۋىتتىڭ نەگىزگى ءونىمى شىعارىلاتىن قۇراستىرۋ تسەحىن ارالاپ كوردى.
نۇرسۇلتان نازارباەۆ سونداي-اق، ەڭبەك ۇجىمىمەن جانە وڭىردەگى ونەركاسىپتىك كاسىپورىنداردىڭ باسشىلارىمەن اڭگىمەلەستى.
قازاقستان پرەزيدەنتى ءوڭىردىڭ ءىرى كاسىپورىندارى شاعىن جانە ورتا بيزنەس سۋبەكتىلەرىن تاپسىرىسپەن قامتاماسىز ەتەتىنىن اتاي وتىرىپ، وبلىستاعى يندۋس-تريانىڭ بىرتىندەپ دامىپ كەلە جاتقانىنا نازار اۋداردى.
ەلباسى مەملەكەت تاراپىنان ونەركاسىپتى دامىتۋ ءۇشىن ايتارلىقتاي قاراجات ءبولىنىپ جاتقانىنا دا توقتالدى.
– قازاقستاندا يندۋستريالاندىرۋ باعدارلاماسى جۇزەگە اسىرىلۋدا. وزگە ەلدەر زاۋىتتار سانىن قىسقارتىپ جاتقان ۋاقىتتا ءبىز جاڭالارىن سالىپ جاتىرمىز. تەك بيىلدىڭ وزىندە 75 جاڭا كاسىپورىن سالىنادى، ولاردا 3 مىڭعا جۋىق ادام جۇمىسپەن قامتىلاتىن بولادى. ەلدىڭ وڭىرلەرىن دامىتۋ ءۇشىن مەملەكەت بۇل جۇمىستاردى جالعاستىرا بەرەدى، – دەدى نۇرسۇلتان نازارباەۆ.
«كاماز-ينجينيرينگ» اق نەگىزىنەن ساموسۆالدار، باسقا دا جۇك جانە ارنايى تەحنيكالار قۇراستىرادى. بىلتىر زاۋىت 1250 اۆتوكولىك قۇرالدارىن شىعاردى.

ەلباسى «مولوكو سينەگوريا» كوكشەتاۋ ءسۇت زاۋىتىندا

مەملەكەت باسشىسى زاۋىتتىڭ بالالارعا ارنالعان ەمدىك-پروفيلاكتيكالىق تاعامدارىن شىعاراتىن تسەحىن ارالاپ كوردى.
سونىمەن قاتار، نۇرسۇلتان نازارباەۆ وبلىستىڭ اگروونەركاسىپ كەشەنى وندىرەتىن ونىمدەرمەن تانىستى.
قازاقستان پرەزيدەنتى سونداي-اق، كاسىپورىن ۇجىمىمەن جانە وبلىستىڭ اۋىل شارۋاشىلىعى تاۋارلارىن وندىرۋشىلەرىمەن اڭگىمەلەستى. اگرارلىقتار قول جەتكىزگەن تابىستارى تۋرالى ايتتى جانە ءوڭىردىڭ اۋىل شارۋاشىلىعىن دامىتۋ ىسىنە كورسەتىپ وتىرعان مەملەكەتتىڭ قولداۋىنا ريزالىق ءبىلدىردى.
مەملەكەت باسشىسى اقمولا وبلىسى ەلوردانىڭ ازىق-ت ۇلىكپەن قامتاماسىز ەتەتىن تىرەگى ەكەنىن اتاپ ءوتتى.
– مەملەكەت اگرارلىق سالاعا زور كومەك بەرۋدە. 2009 جىلدان بەرى وبلىستىڭ بارلىق شارۋاشىلىقتار بويىنشا سۋبسيديالاۋى 8 ەسەگە ۇلعايدى. وسىنى ەسكەرە وتىرىپ، مەن سىزدەردىڭ الدارىڭىزعا ەلوردانى ءوز ونىمدەرىڭىزبەن قامتاماسىز ەتۋ جونىندە مىندەت قويامىن. استانا – جاقىن ورنالاسقان تابيعي تۇتىنۋشى. ەلوردا ءوسىپ كەلەدى، سايكەسىنشە، تۇتىنۋ دا ۇلعايا بەرمەك. جالپى العاندا، اقمولا وبلىسى ەلدىڭ وزگە دە سولتۇستىك وڭىرلەرىمەن بىرگە الەمدىك ماڭىزعا يە استىقتى ايماق. بۇگىندە قازاقستاننىڭ بيدايى تانىمال برەند سانالادى جانە الەمدىك ازىق-ت ۇلىك قورىن ەسەپتەۋ كەزىندە ءبىزدىڭ ەلدىڭ رەسۋرسى دا قاپەرگە الىنادى. سوعان وراي ءبىز ءۇشىن اگرارلىق ونىمدەردىڭ كولەمى مەن ساپاسىن ودان ءارى ارتتىرۋ زور جاۋاپكەرشىلىك بولىپ سانالادى، –دەدى قازاقستان پرەزيدەنتى.
ءسۇت وڭدەيتىن زاۋىتتىڭ قۋاتى تاۋلىگىنە 160 توننانى قۇرايدى. كاسىپورىندا 175 ادام جۇمىس ىستەيدى. ونىمدەر نەگىزىنەن وتاندىق نارىقتا ساتىلادى.