ەل ومىرىندەگى ەلەۋلى ءسات

ءبىز، «قاراتاۋ» تاۋ-كەن وڭدەۋ كەشەنى جۇمىسشىلار ۇجىمى جاھاندا قالىپتاسقان كۇردەلى جاعدايدا كەزەكتەن تىس قازاقستان رەسپۋبليكاسى پرەزيدەنتى سايلاۋىن وتكىزۋ دەر كەزىندە قابىلدانعان ماڭىزدى شەشىم دەپ بىلەمىز جانە بارشا وتانداستارىمىزدى وسى تاريحي ساتتەن تىس قالماۋعا شاقىرامىز. بۇگىندە ەلىمىز گۇلدەنىپ، الەمنىڭ الپاۋىتتارى ساناساتىن ساياسي بەدەلگە يە بولدى. تاۋەلسىزدىكتىڭ 24 جىلىندا مەملەكەتىمىزدىڭ بەرىك ىرگەتاسى قالانىپ، بەيبىتشىلىك پەن كەلىسىمنىڭ قازاقستاندىق مودەلى قالىپتاستى. الەمدە بالاماسى جوق قازاقستان حالقى اسسامبلەياسى ەلىمىزدە تۇرىپ جاتقان 130-دان اسا ۇلىستىڭ ۇيىتقىسى بولىپ، ۇلتارالىق تاتۋلىقتىڭ تۇتقاسىنا اينالدى. مىزعىماس اۋىزبىرلىكتىڭ ارقاسىندا مەملەكەتىمىز وزگەلەر عاسىرلارىن سارپ ەتكەن اسۋلاردى از ۋاقىت ىشىندە باعىندىرىپ، دامىعان 50 مەملەكەتتىڭ قاتارىنا قوسىلدى. ەندى الدىمىزدا وزىق 30 ەلدىڭ كوشىنە كىرۋ مىندەتى تۇر. «قازاقستان-2050» ستراتەگياسى – وسى ماقساتقا باعىت سىلتەر باستى قۇجات. باعدارلامادا ەلىمىزدىڭ ءاربىر ازاماتىن ساپالى بىلىممەن، تۇراقتى جۇمىسپەن، تەگىن مەديتسينالىق قىزمەتپەن، كەدەرگىسىز كەلەشەكپەن جانە الاڭسىز زەينەتپەن قامتۋدىڭ ناقتى جولدارى ۇسىنىلعان. وسىناۋ يگى ىستەردى جۇزەگە اسىرۋعا ءبىز دە اتسالىسۋعا ءازىرمىز. ءبىز، «قاراتاۋ» تاۋ-كەن وڭدەۋ كەشەنىنىڭ جۇمىسشى ۇجىمى، مەملەكەتىمىزدىڭ ءاربىر ازاماتىن 2015 جىلعى 26 ساۋىردە وتەتىن قازاقستان رەسپۋبليكاسى پرەزيدەنتىن سايلاۋعا قاتىسۋعا شاقىرامىز.

«قاراتاۋ» تاۋ-كەن وڭدەۋ كەشەنىنىڭ
جۇمىسشىلار ۇجىمىنىڭ مالىمدەمەسى