اق جول جامبىل وبلىستىق قوعامدىق- ساياسي گازەت
فۋتبولدان قازاقستان پرەمەر-ليگاسىنىڭ ءۇشىنشى تۋرى اياسىندا ەلىمىزدىڭ بىرنەشە دۇركىن چەمپيوندارى «اقتوبە» فۋتبول كلۋبىن قابىلداعان «تاراز» كومانداسى قارسىلاستارىنا ەسە جىبەرىپ الدى.
العاشقى ەكى تۋردا جەڭىسكە جەتە الماعان «اقتوبە» بار اشۋىن «تارازدان» قايتاردى. ويىننىڭ 32-مينۋتىندا ەل چەمپيوناتىنا ورالعان سەرگەي حيجنيچەنكو الەكساندر گريگورەنكو قورعاعان قاقپادان ساڭىلاۋ تاپتى. ەدۋارد سەرگيەنكو باستاعان جەرلەستەرىمىز ويىننىڭ قالعان بولىگىندە بىرنەشە وتكىر شابۋىل جاساعانىمەن تارازى باسىن تەڭەستىرە العان جوق. ءۇش تۋردان كەيىن جالقى ۇپايدى يەلەنگەن جەرلەستەرىمىز كوش سوڭىنداعى كوماندالاردىڭ قاتارىندا تۇر.
ءۇشىنشى تۋردا «شاحتەردى» 2:1 ەسەبىمەن جەڭگەن «استانا» جەكە دارا توپ باستادى. الماتىنىڭ «قايراتى» ەكىنشى ورىنعا ورنالاسسا، شىمكەنتتىڭ «ورداباسى» كومانداسى ۇزدىك ۇشتىكتى تۇيىندەپ تۇر ازىرگە. ەندى «تاراز» فۋتبولشىلارى ءۇشىن قامشى باسار كەز كەلدى…
تابيعات ابايلداەۆ،
«اق جول».