كوللەدجىمىز كوش باستادى

جۋىردا وبلىستىق ءبىلىم باسقارماسىنىڭ ۇيىمداستىرۋىمەن تاراز قالاسىنداعى «تريۋمف» مەيرامحاناسى مەن ءبىزدىڭ كوللەدجىمىزدىڭ وقۋ بازاسىندا وتكەن «ماماندىعى بويىنشا ەڭ ۇزدىك» رەسپۋبليكالىق بايقاۋىنا ىرىكتەۋ سىنىنا وبلىستاعى تەحنيكالىق جانە كاسىپتىك ءبىلىم بەرۋ كوللەدجدەرىنىڭ بىلىمگەرلەرى قاتىسىپ، ءوزارا باق سىناستى. اتالمىش سىندا زاۋر جانىبەكوۆ، دۋلات وماشەۆ، سەرىك ءپىرنازاروۆ، يسلام ءاشىموۆ كوللەدج نامىسىن قورعادى. اس ازىرلەۋدە ۇلتتىق تاعامدارمەن قاتار، ەۋروپالىق اسحانا دامدەرىن دايارلاۋدان الدارىنا جان سالماعان زاۋر باس جۇلدەنى، دۋلات ءبىرىنشى ورىندى يەمدەنسە، «دانەكەرلەۋ ءىسى» ماماندىعى بويىنشا وقيتىن بىلىمگەرلەر اراسىندا سەرىك – ەكىنشى، يسلام – ءۇشىنشى ورىنداردى جەڭىپ الدى. الدىڭعى «ۇشتىكتىڭ» قاتارىنان كورىنىپ، رەسپۋبليكالىق بايقاۋعا جولدامانى قانجىعالارىنا بايلاعان ءۇش بىردەي ورەنىمىز بۇگىندە كەلەسى سىنعا دايىندالۋ ۇستىندە.
وسىلاي ولار وزدەرىنىڭ كاسىبي شەبەرلىكتەرى مەن بىلىكتىلىكتەرىن تانىتۋ ارقىلى كوللەدج ۇجىمى ارتقان سەنىم ۇدەسىنەن شىعا الدى. بۇل – ۇجىم ەڭبەگىنىڭ دە جەمىسى. بۇگىندە بىزدەگى «دانەكەرلەۋ ءىسى» ماماندىعىنىڭ بىلىمگەرلەرى كوللەدجدە العان تەوريالىق بىلىمدەرىن دۋالدىق وقىتۋ تەحنولوگياسى بويىنشا «جامبىلرەماۆتوتەحنيكا» جشس-ىندا وندىرىسپەن ۇشتاستىرۋ مۇمكىندىگىنە دە يە بولىپ وتىر. كوللەدجدىڭ ابىرويىن اسقاقتاتقان بولاشاق ماماندارىمىز ءوز كاسىپتەرىنىڭ كىلتىن تاپقانداي. ولاردىڭ ەل كولەمىندە وتەتىن بايقاۋدا دا وبلىسىمىزدىڭ نامىسىن قولدان بەرمەيتىنىنە سەنىمىمىز مول.

مارات ءاشىموۆ،
№12 «تاراز» كوللەدجىنىڭ ديرەكتورى.