Тәуекел, тағы да бір жол бастаңыз!

Ақтарсам көкіректен шыншыл жырды,

Қазағым татулықпен тіл сындырды.
Дағдарыстың дауылы біз түгілі,
Талай алып елдерді күрсіндірді.
Елбасы көшті бастап келе жатыр,
Күні бұрын бағдарлап тылсым күнді.
Алты Алашқа керегі – ел бірлігі,
Бейбіт күн көгімізде күлсін нұрлы.
Сондықтан өзіңізге тапсырмақшы,
Қалың ел екі тізгін, бір шылбырды.
Мына жол – бабалардан жалғасқан із,
Жатпайды қын түбінде алмас нағыз.
Қашанда жаныңызға тірек болған,
Қолдаңыз, ұлтыңызды қорғаштаңыз.
Қаншама асулардан адастырмай,
Аман-сау алып өткен марқасқамыз.
Тағдырын жұртым сізге тапсырып тұр,
Тәуекел, тағы да бір жол бастаңыз!

Бекарыс Шойбеков, 
айтыскер ақын, 
съезд делегаты.