ءبىز – بولاشاعى ءبىرتۇتاس ۇلتپىز

لاريسا لىسوۆا،
«نۇر وتان» پارتياسى حVI سەزىنىڭ دەلەگاتى، قازاقستان حالقى اسسامبلەياسىنىڭ مۇشەسى، وبلىستىق قازاقستان حالقى اسسامبلەياسى حاتشىلىعىنىڭ باسشىسى.

قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى وتەتىن ۇستىمىزدەگى جىلعى ءساۋىر ايىنىڭ 26-سى كۇنى رەسپۋبليكا پرەزيدەنتتىگىنە كانديدات ەتىپ ەلىمىزدىڭ قازىرگى مەملەكەت باسشىسىن ۇسىنعان «نۇر وتان» پارتياسىنىڭ حVI سەزىندە ەلباسى ءسوز الىپ، سەزد دەلەگاتتارىنىڭ كوكەيىندەگىسىن ءدوپ باسقان بەس ينستيتۋتتىق رەفورمانى جۇزەگە اسىرۋ قاجەتتىگىن العا تارتقان ەدى. سونىڭ ءتورتىنشىسى — ناسىلىنە، ەتنوستىق شىعۋ تەگىنە، ءدىني جانە الەۋمەتتىك قاتىستىلىعىنا قاراماستان ەلىمىزدىڭ بارلىق ازاماتتارىنىڭ قۇقىقتىق تەڭدىگىنە كەپىلدىك بەرەتىن رەسپۋبليكامىزدىڭ كونستيتۋتسياسىنىڭ تالاپتارىنا تولىق سايكەس كەلەتىن «بولاشاعى ءبىرتۇتاس ۇلت» قۇرۋ ماسەلەسى. ەلباسى بۇل رەتتە ازاماتتىق قاعيداتتارىنا نەگىزدەلگەن قازاقستاندىق بىرتەكتىلىكتى ودان ءارى نىعايتۋ قاجەتتىگىنە توقتالدى. ماڭگىلىك ەل يدەياسىن ىسكە اسىرۋ ءۇشىن بارشا قازاقستاندىقتاردىڭ جاڭا جالپىۇلتتىق قۇندىلىقتاردى — قۇقىقتىڭ ۇستەمدىگىن، مەملەكەتتىك داستۇرلەردى، قازاقستاندىق قۇندىلىقتاردى وزدەرىنىڭ ەتنوستىق مىنەز-ق ۇلىق مودەلدەرىنەن جوعارى قويۋلارى كەرەكتىگىن اتاپ كورسەتتى. ەلىمىزدەگى ءوزارا كەلىسىم جانە بەيبىتشىلىك جاعدايىندا ءومىر ءسۇرىپ جاتقان 17 كونفەسسيانىڭ، سونىڭ ساناتىندا يسلام، پراۆوسلاۆيە جانە پروتەستانتتىق سياقتى ءىرى ءدىني اعىمداردىڭ وزىندىك ەرەكشەلىكتەرى تۋرالى ايتا كەلىپ، كونفەسسيالاردىڭ الداعى ۋاقىتتا دا قازاقستاندىقتاردى بىرىكتىرەتىن كۇش رەتىندە ەلدەگى بەيبىتشىلىك پەن رۋحاني كەلىسىمدى ورنىقتىرۋعا، قوعام مەن ەكونوميكانى دامىتۋعا، مەملەكەتتىلىكتى نىعايتۋ ىسىنە قىزمەت ەتۋى تيىستىگى تۋرالى اشىپ ايتتى.
سەزدىڭ وزگە دەلەگاتتارى سياقتى مەن دە نۇرسۇلتان ءابىش ۇلىنىڭ پارتيا سەزىندە «تىلدەردىڭ ۇشتۇعىرلىلىعىن — قازاق، ورىس جانە اعىلشىن تىلدەرىن دامىتۋ — قوعامدى توپتاستىرۋدىڭ، ونىڭ باسەكەگە قابىلەتتىلىگى ءوسىمىنىڭ كەپىلى» دەپ ايتقان وي-تۇجىرىمىمەن تولىق كەلىستىم. ءوزىمىز تاڭداۋ جاساپ، رەسپۋبليكا پرەزيدەنتتىگىنە كانديداتۋراسىن ۇسىنعان ۇلت كوشباسشىسىنىڭ «نۇروتاندىقتارعا»، سولار ارقىلى بۇكىل قازاقستان حالقىنىڭ نازارىنا ۇسىنعان كەلەشەكتە جۇزەگە اسۋى مىندەتتى، ەلىمىزدى وركەندەتۋ جولىنداعى حالىقتىق مانگە يە بەس ينستيتۋتتىق رەفورمانىڭ ءوزى-اق، قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ جانە مەملەكەت باسشىسىنىڭ ورىنتاعىنا «نۇر وتان» پارتياسىنىڭ كوشباسشىسى ن.ءا. نازارباەۆتى كانديدات ەتىپ ۇسىنۋ جونىندە باستاما كوتەرگەن قازاقستان حالقى اسسامبلەياسى كەڭەسى قادامىنىڭ سونشالىقتى دۇرىس بولعاندىعىن كورسەتسە كەرەك.

تاراز.