ۇلىستىن ۇلى كۇنى — ناۋرىزعا

10 كۇن قالدى

ناۋرىز مەيرامى – ەجەلگى زاماننان بەرى قالىپتاسقان جىل باسى مەيرامى. قازىرگى كۇنتىزبە بويىنشا (22 ناۋرىز) كۇن مەن ءتۇننىڭ تەڭەسۋى كەزىنە كەلەدى. كونە پارسى تىلىندە ناۆا=جاڭا + رازاڭھ=كۇن، «جاڭا كۇن» ماعىناسىندا، قازىرگى پارسى تىلىندە دە سول ماعىنامەن قالعان (نو=جاڭا + روۋز=كۇن; ماعىناسى «جاڭا كۇن»)، ياعني جاڭا جىلدى بىلدىرەدى.
2010 جىلدىڭ 10 مامىرىنان باستاپ بىرىككەن ۇلتتار ۇيىمىنىڭ باس اسسامبلەياسىنىڭ 64-قارارىنا سايكەس، «حالىقارالىق ناۋرىز كۇنى» بولىپ اتالىپ كەلەدى. باس اسسامبلەيا ءوزىنىڭ بەرگەن تۇسىنىكتەمەسىندە «ناۋرىزدى كوكتەم مەرەكەسى رەتىندە 3000 جىلدان بەرى بالقان تۇبەگىندە، قارا تەڭىز ايماعىندا، كاۆكازدا، ورتا ازيادا جانە تاياۋ شىعىستا 300 ميلليون ادام تويلاپ كەلە جاتقاندىعىن» مالىمدەدى.
ال UNESCO بولسا، 2009 جىلدىڭ 30 قىركۇيەگىندە ناۋرىز مەيرامىن ادامزاتتىڭ ماتەريالدىق ەمەس مادەني مۇرا تىزىمىنە ەنگىزدى.