بولاشاققا باستايتىن بىرەگەي تۇلعا

مەملەكەتتى ءبىر شاڭىراق دەپ قارايتىن بولساق، ونىڭ شايقالماۋى ءۇشىن ۋىعىنىڭ مىقتى، كەرەگەسىنىڭ كەڭ بولعانى ءلازىم. سول سەكىلدى، بىزدەرگە باس بولىپ وتىرعان تۇلعانىڭ تىرەگى، ياعني حالىق تا مىقتى بولۋى كەرەك.

جالپى، ءححى عاسىردىڭ قازاق عاسىرى بولاتىندىعىنا سەنىم مول. وعان دالەل – كەشە عانا دامىعان ەلۋ ەلدىڭ قاتارىنا ەنۋدى كوزدەگەن ەدىك، كوزدى اشىپ-جۇمعانشا وتىزدىقتى مەجەلەپ وتىرمىز. جاس، تاۋەلسىز مەملەكەتىمىزدىڭ ەكونوميكاسىنىڭ قارىشتاپ دامۋى، ساياسي تۇراقتىلىقتىڭ ساقتالۋى ءبىزدى اركەز قۋانتادى.
ال پرەزيدەنتتىك سايلاۋدىڭ مەرزىمىنەن بۇرىن وتكىزىلۋى تۋرالى ەلباسىنىڭ شەشىمى وتە ورىندى دەپ بىلەمىز. ەلباسى ن.ءا.نازارباەۆ تاۋەلسىزدىكتىڭ الاگەۋىم ساتىندە «ءدىنىمىزدى، ءدىلىمىزدى، ءتىلىمىزدى ساقتاۋ – ۇلتتىعىمىزدى ساقتاۋ. ۇلتتىق يدەيا ءسوز بولعاندا، كوش باسىندا ءدىنىمىز تۇرۋى كەرەك» دەگەن ەدى. قاسيەتتى ءدىنىمىز قايتا ورالىپ، ەل يماندىلىققا بەت بۇرعانى قۋانتادى. يماندى ەلدى جاۋ المايدى. تاۋبە، شۇكىر دەيىك. اسىرەسە، جاستاردىڭ دىنگە بەت بۇرۋى كوڭىلگە قۋانىش ۇيالاتادى.
قازىرگى ەكونوميكالىق داعدارىسقا تاپ بولماي، قيىندىقتان مۇدىرمەي ءوتۋىمىز ءۇشىن ەلباسىمىزدىڭ سايلاۋعا قاتىسۋعا بەرگەن كەلىسىمىنە قولداۋ كورسەتۋىمىز كەرەك. دارحان پەيىلدى حالقىمىز قازاق حالقىنىڭ عانا ەمەس، بۇكىل تۇركى دۇنيەسىنىڭ كوشباسشىسى بولۋدىڭ قامىن ويلاۋىمىز كەرەك. ال ونداي كەمەڭگەرلىك ەلباسىمىزدا بار. دەمەك، ۇلى اسۋلاردى باعىندىرۋ ءۇشىن حالقىمىز دانالىق تانىتۋى كەرەك. ول ءۇشىن ءبىزدى جارقىن بولاشاققا باستايتىن بىرەگەي تۇلعانى تاني ءبىلۋىمىز كەرەك.
ۇلى جارىلقاۋشى بارلىق ءىسىمىزدى باياندى ەتۋگە ءناسىپ ەتكەي!

بولاتبەك قايىپبەك ۇلى،
«ھيباتۋللا تارازي» ورتالىق 
مەشىتىنىڭ القا مۇشەسى.

تاراز.