ەلىمەن ەتەنە ەلباسىنا سەنەمىن

كەشە «نۇر وتان» پارتياسى ءحVى سەزىنىڭ دەلەگاتتارى ەلباسى نۇرسۇلتان نازارباەۆتى قر پرەزيدەنتتىگىنە ۇمىتكەر رەتىندە ۇسىنۋدى ءبىراۋىزدان قولداعانىن اقپارات قۇرالدارىنان كورىپ-ءبىلىپ جاتىرمىز. ارنايى قاۋلىنى وقىپ شىققان پارتيا توراعاسىنىڭ ءبىرىنشى ورىنباسارى باۋىرجان بايبەك «بۇگىن بارلىق دەلەگاتتاردىڭ سويلەگەن سوزدەرىندە، سەزدىڭ اتىنا كەلىپ تۇسكەن باستاۋىش پارتيا ۇيىمدارىنىڭ ۇندەۋلەرىندە ءبىزدىڭ پارتيامىزدىڭ نەگىزىن قالاعان، تاۋەلسىزدىگىمىزدى الۋداعى، قازاقستاننىڭ قالىپتاسۋى مەن دامۋىنداعى ەلباسىنىڭ تاريحي ءرولى اتاپ وتىلگەن. ەلباسىنىڭ اتىمەن ءبىز نەگىزگى قۇندىلىقتارىمىز – تاۋەلسىزدىك، تۇراقتىلىق، بەيبىتشىلىك پەن قازاقستاننىڭ گۇلدەنۋىن، ەلىمىزدىڭ دامۋىن جانە ءبىزدىڭ ماقساتتى ۇمتىلىستارىمىزدى بايلانىستىرامىز. ن.ءا.نازارباەۆتى ۇسىنۋ تۋرالى ۇسىنىستى بارلىق دەپۋتاتتار ءبىراۋىزدان قولدادى»، – دەپ اتاپ ءوتتى.

ەلباسى، پارتيا كوشباسشىسى نۇرسۇلتان ءابىش ۇلى دا تاۋەلسىزدىك سارايىندا وتكەن «نۇر وتان» پارتياسىنىڭ كەزەكتى XVI سەزىندە قر پرەزيدەنتىنىڭ كەزەكتەن تىس سايلاۋىنا قاتىساتىندىعىن مالىمدەدى. «مەن سىزدەردىڭ الدارىڭىزعا كەلىپ، ءسوز سويلەۋدەمىن. ءوز كانديداتۋرامدى تەك ءبىر ماقسات ءۇشىن عانا، الدىمىزدا تۇرعان قيىن مىندەتتەردى شەشۋگە باعىتتالعان جاڭا مىندەتتەردى ۇسىنۋ ءۇشىن عانا ۇسىناتىن بولامىن. مەن قالاي پرەزيدەنت بولۋ كەرەك جانە ول كىم بولۋ كەرەك دەگەن ساۋالدارعا: «ادام سايلاۋعا ءوز حالقىڭنىڭ ءومىرىن جاقسارتۋ ءۇشىن ناقتى باعدارلامالارى مەن ماقساتتارى بولعاندا عانا بارۋى كەرەكتىگىن» ايتامىن. ەگەر ونداي ماقساتىڭ مەن مىندەتىڭ بولماسا، وندا سايلاۋعا قاتىسۋدىڭ دا قاجەتى جوق»، – دەدى مەملەكەت باسشىسى. ەلباسىنىڭ بۇل سوزىنەن قانداي قيىن-قىستاۋ بولسا دا ونىڭ ەلمەن بىرگە ەكەنىن كۇمانسىز بايقاۋعا بولادى.
سوناۋ 1991 جىلدان بەرى الەمدىك قاۋىمداستىقتا جاڭا ءارى جاس، ەكونوميكالىق مىعىم مەملەكەتتىڭ قالىپتاسۋى جولىندا ايانباي ەڭبەك ەتكەن ەلباسىنىڭ بۇل سايلاۋدا دا ابىرويمەن جەڭىپ شىعاتىنىنا كامىل سەنەمىن. ويتكەنى نۇرسۇلتان ءابىش ۇلىنىڭ حالىققا سىڭىرگەن ەڭبەگى وراسان زور. كاسىپكەرلىكتىڭ، اسىرەسە اۋىل شارۋاشىلىعى ونىمدەرىن وندىرەتىن بيزنەس سۋبەكتىلەرىنە سوڭعى جىلدارى ەرەكشە قولداۋ بىلدىرۋدە. مەملەكەتتىك، سالالىق باعدارلامالار ارقىلى قوماقتى قارجى اۋىلدىڭ بيزنەسىن كوتەرۋگە دە ءبولىنىپ جاتىر. اگرارلى وبلىس اتانعان وبلىسىمىزدىڭ الەۋەتى ەلدەگى ازىق-ت ۇلىك سۇرانىسىن وتەۋگە قاۋقارلى. تەك ۇكىمەت تاراپىنان كورسەتىلىپ جاتقان كومەكتەردى دەر كەزىندە الىپ، ايانباي ەڭبەك ەتەتىن ۋاقىت الدەقاشان كەلگەن. بۇگىنگى نارىق زامانى ەڭبەكتىڭ زامانى ەكەنىن ەلباسىمىز ۇنەمى ايتىپ كەلەدى. سوندىقتان ەڭبەك ەتكەن ادامدى مەملەكەت تە قولداۋدان قاشپايدى. وعان نۇرسۇلتان نازارباەۆ سالعان سارا ساياسات كەپىل بولا الادى.

ابدالى نۇراليەۆ، 
وبلىس اكىمدىگى اۋىل شارۋاشىلىعى باسقارماسىنىڭ باسشىسى.