قازاقستان پرەزيدەنتىنىڭ سايلاۋى 26 ساۋىردە وتەتىن بولدى

قازاقستان پرەزيدەنتىنىڭ سايلاۋى 26 ساۋىردە وتەتىن بولدى

قر پرەزيدەنتىنىڭ كەزەكتەن تىس سايلاۋى 2015 جىلدىڭ 26 ساۋىرىنە بەلگىلەندى، — دەپ حابارلايدى تengrinews.kz تىلشىسى. بۇل تۋرالى نۇرسۇلتان نازارباەۆ حالىققا ارناعان ۇندەۋىندە ايتتى، ۇندەۋ ستۆ تەلەارناسىنان ترانسلياتسيالاندى. 

«بۇگىن مەن پارلامەنت سەناتى مەن ءماجىلىسىنىڭ جەتەكشىلەرىمەن، قر پرەمەر-مينيسترىمەن جانە قر كونستيتۋتسيالىق كەڭەسىنىڭ توراعاسىمەن كونسۋلتاتسيالار وتكىزدىم. پرەزيدەنتتىك جانە پارلامەنتتىك سايلاۋلاردىڭ كۇنتىزبەلىك مەرزىمى 2016 جىلعا سايكەس كەلەدى جانە ءىس جۇزىندە بىرىگىپ كەتەدى. كونستيتۋتسيا بۇعان رۇقسات ەتپەيدى. مەنىڭ كونستيتۋتسيالىق وكىلەتتىگىم دە 2016 جىلى بىتەدى»، — دەدى نازارباەۆ.

ونىڭ ايتۋىنشا، حالىق ەكى ۇسىنىس ايتىپ جاتىر — پرەزيدەنتتىڭ كەزەكتەن تىس سايلاۋىن وتكىزۋ جانە پرەزيدەنتتىڭ وكىلەتتىگىن ۇزارتۋ جونىندە رەفەرەندۋم وتكىزۋ. «ەكى ۇسىنىستى دا ىسكە اسىرۋعا بولادى، بىراق اناعۇرلىم دۇرىسى — كونستيتۋتسيا تالاپتارىنا ساي كەلەتىنى — سايلاۋ وتكىزۋ. سوندىقتان حالىقتىڭ مۇددەسى ءۇشىن، ولاردىڭ ماعان ارنالعان ۇسىنىسىن ەسكەرە وتىرىپ، كوپشىلىكتىڭ ەركى بويىنشا، نەگىزگى زاڭدى مۇلتىكسىز ورىنداۋ ماقساتىندا مەن كونستيتۋتسيانىڭ 41-بابىنىڭ 3-1-تارماعىنا سايكەس، كەزەكتەن تىس پرەزيدەنت سايلاۋىن وتكىزۋدى 2015 جىلدىڭ 26 ساۋىرىنە بەلگىلەۋ تۋرالى جارلىققا قول قويدىم»، — دەدى نازارباەۆ.

ەلباسى ءوزىنىڭ الداعى سايلاۋعا قاتىسۋى تۋرالى شەشىمدى كونسيتۋتسيا مەن ەلدىڭ زاڭدارىنا سايكەس ءسال كەيىنىرەك قابىلدايتىنىن ايتتى.

«مەملەكەتتىڭ تىنىشتىعى مەن ەلدىڭ بىرلىگىن ساقتاپ، دامىتۋ پرەزيدەنتى باستاپ، ەلى قوستاعان كەزدە عانا باياندى بولماق. جاۋاپكەرشىلىك بۇكىل حالىققا دا جۇكتەلەدى. وسىنى ۇمىتپايىق. الداعى بيىك بەلەستەر مەن اسقار اسۋلار ءۇشىن ءبىز بارلىق كەدەرگىلەردى باعىندىرىپ، العا باسۋعا ءتيىسپىز. قۇزىرلى ورگاندار قازاقستان حالقى اسسامبلەياسىنىڭ باستاماسى ەلىمىزدىڭ كونستيتۋتسياسىنا جانە سايلاۋ تۋرالى زاڭعا ساي دەگەن قورىتىندى شىعاردى. مەن سايلاۋعا قاتىستى ء«يا» مەن «جوقتى» مۇقيات وي تارازىسىنا سالدىم. ءسويتىپ، كەزەكتەن تىس پرەزيدەنت سايلاۋىن وتكىزگەن ءجون دەگەن پايىمعا كەلدىم. سايلاۋ ەلىمىزدى ۇلى ىستەرگە ۇيىستىرىپ، باياندى بولاشاق جولىندا بىرىكتىرە تۇسەرىنە سەنەمىن. قازاقستاندىقتاردى ەل تاريحىنداعى تاعى ءبىر تاعدىرلى وقيعاعا جاۋاپكەرشىلىكپەن قاراپ، بەلسەنە قاتىسۋعا شاقىرامىن»، — دەدى مەملەكەت باسشىسى.

 

ەسكە سالا كەتەيىك، 14 اقپان كۇنى قازاقستان حالقى اسسامبلەياسىنىڭ كەڭەسى ءوز وتىرىسىندا قازاقستان پرەزيدەنتى سايلاۋىن مەرزىمىنەن بۇرىن وتكىزۋ تۋرالى ازاماتتاردان كەلىپ تۇسكەن كوپتەگەن وتىنىشتەردى ءبىراۋىزدان قولداپ، بۇل تۋرالى باستاما كوتەرگەن ەدى. اسسامبلەيا كەڭەسى مۇشەلەرىنىڭ پىكىرىنشە، الەم ەكونوميكاسىنداعى داعدارىستىڭ ءورشىپ تۇرعان جاعدايىندا كەزەكتەن تىس پرەزيدەنت سايلاۋىن وتكىزۋ رەسپۋبليكاعا «نۇرلى جول» باعدارلاماسى مەن ەل دامۋىنىڭ ۇزاقمەرزىمدى دامۋ باسىمدىقتارىن ىسكە اسىرۋعا مۇمكىندىك بەرەدى.

كەزەكتەن تىس سايلاۋ وتكىزۋ تۋرالى باستامانى قازاقستان پارلامەنتى قولدادى، ءماجىلىس پەن سەنات دەپۋتاتتارى مەملەكەت باسشىسىنا سايلاۋدى وتكىزۋگە كەلىسىم بەرۋدى سۇراپ، ءوتىنىش جولدادى. سەنات توراعاسى قاسىم-جومارت توقاەۆ كونستيتۋتسيالىق كەڭەستەن رەسپۋبليكا كونستيتۋتسياسىنىڭ 41-بابىنىڭ 3-1-تارماعىن رەسمي ءتۇسىندىرىپ بەرۋدى ءوتىندى، بۇل تارماقتا قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ ماسەلەلەرىن رەگلامەنتتەلەدى. قر كونستيتۋتسيالىق كەڭەسى پرەزيدەنتتىڭ كەزەكتەن تىس سايلاۋدى تاعايىنداۋىنا ەش كەدەرگى جوق ەكەنىن مالىمدەدى. ەلباسىنىڭ پرەزيدەنتتىڭ كەزەكتەن تىس سايلاۋىن تاعايىنداۋ تۋرالى شەشىم قابىلداۋىنا رەسپۋبليكا كونستيتۋتسياسى قانداي دا ءبىر شارتتار مەن شەكتەۋلەر قاراستىرمايدى. »مۇنداي سايلاۋ تاعايىنداۋ تۋرالى شەشىم قابىلداعاندا قازاقستان رەسپۋبليكاسى كونستيتۋتسياسىنىڭ 41-بابىنىڭ 3-تارماعىندا قاراستىرىلعان قازاقستان پرەزيدەنتىنىڭ سايلاۋى مەرزىمى جاعىنان رەسپۋبليكا پارلامەنتىنىڭ جاڭا قۇرامىن سايلاۋمەن تۇسپا-تۇس كەلمەۋگە ءتيىس دەگەن ەرەجە ەسكەرىلۋى كەرەك»، — دەلىنگەن كونستيتۋتسيالىق كەڭەستىڭ سەناتقا قايتارعان جاۋابىندا.

قر پرەزيدەنتىنىڭ كەزەكتەن تىس سايلاۋىن وتكىزۋ مۇمكىندىگىن نۇرسۇلتان نازارباەۆ پارلامەنت پالاتالارى سپيكەرلەرىمەن بىرگە تالقىلادى. مەملەكەت باسشىسى بۇل باستامانى ەل-جۇرت، سونىڭ ىشىندە ەڭبەك ۇجىمدارى مەن قوعامدىق بىرلەستىكتەر مۇشەلەرى، زيالى قاۋىم، جاستار جانە اعا بۋىن تالقىلاپ جاتقانىنا توقتالدى. «باستامانى پارلامەنت پالاتالارى دا قاراپ، قولداۋ ءبىلدىردى جانە ماعان تيىسىنشە ۇندەۋ جولدادى. پارلامەنت سەناتىنىڭ سۇراۋى بويىنشا كونستيتۋتسيالىق كەڭەس وسى ماسەلە جونىندە نورماتيۆتىك قاۋلى قابىلدادى»، – دەدى قازاقستان پرەزيدەنتى. نۇرسۇلتان نازارباەۆ كەزەكتەن تىس پرەزيدەنتتىك سايلاۋ وتكىزۋ مۇمكىندىگى جونىندە قر پرەمەر-ءمينيسترى كارىم ماسىموۆپەن جانە كونستيتۋتسيالىق كەڭەستىڭ توراعاسى يگور روگوۆپەن دە كەڭەستى.

اقپارات كوزى tengrinews.kz

19 comments

  1. د9رىس بولدى. كەيبىرەۋلەر قارسى پىكىر ايتقانىمەن، ءبارىبىر كەلەسى جىلى دا بولاتىن سايلاۋ عوي. ءبىر جىل بۇرىن نە كەيىن نە… نازارباەۆتىڭ باستاعان باعدارلامالارىن اياقتاۋعا مۇمكىندىك بەرۋ كەرەك! اسىرەسە تۇرعىن ۇيمەن قامتۋ، كاسىپكەرلەردى قولداۋ سياقتى ماسەلەلەر ەندى جولعا قويىلىپ، جۇزەگە اسا باستاعاندا اياقسىز قالماۋ كەرەك. ەلباسىنا بۇكىل قازاقستاندىقتار قولداۋ بىلدىرەيىك!!!

  2. ەلباسىمىز جاساسىن! دەنساۋلىعى باردا مەملەكەتتى باسقارىپ، قازاقستاندى بۇكىل الەمگە تانىتا بەرسىن! ىنتىماقتىڭ، دوستىقتىڭ ۇيىتقىسى بولعان ن. نازارباەۆ ءالى ءبىزدى دامىعان ەلدەردىڭ ەڭ الدىڭعى قاتارىنا قوسادى!!! بىزدىكىنە جەتەر پرەزيدەنت جوق!!!

  3. «اق جول» گازەتىنىڭ سايتى وبلىسىمىزداعى ەڭ جەدەل سايتتاردىڭ بىرىنە اينالىپ كەلە جاتقانى قۋانتادى. ەلباسى ءوز شەشىمىن كەشە 25 اقپاندا جاريالاعانىن كەشكى جاڭالىقتاردان كورگەنىمىز سول، ءدال سول كۇننىڭ كەشكىسىن بۇل ماتەريال گازەتتىڭ سايتىندا دا تۇر. سايتتار وسىلاي كۇن دەمەي، ءتۇن دەمەي جەدەل جۇمىس ىستەۋى كەرەك دەپ ويلايمىن. وبلىستا بۇل جاعى كەمشىن ءتۇسىپ جاتىر نەگىزى. سول كەمشىلىكتى «اق جول» العاش بولىپ قولعا الىپ وتىر ەكەن. بۇل باسشىلىق قۇرامىنىڭ جاڭاشىل، كرەاتيۆتى ەكەنىن كورسەتەدى. زامان كوشىنەن قالماۋ كەرەك! ىستەرىڭىزگە ساتتىلىك تىلەيمىن! ەلباسىمىز جاساي بەرسىن! سايلاۋعا بىركىسىدەي اتسالىسايىق!

  4. كەلەسى جىلى ەكى سايلاۋدى بىردەي وتكىزۋ شىنىندا قيىنعا سوعادى. نۇرسۇلتان ءابىش ۇلىنىڭ بۇل شەشىمى وتە دۇرىس. الىستى بولجايتىن ەلباسىمىزعا ەلى بولىپ دەمەۋ بەرۋىمىز كەرەك! ەلىمىزدە باسقا لايىقتى كانديداتۋرا دا جوق. قازاقستان كوركەيە بەرسىن!

  5. بوساعامىز بەرىك، ەلىمىز تىنىش بولۋى ءۇشىن بىزگە نازارباەۆتاي پرەزيدەنت كەرەك. ءدال قازىرگى داعدارىس كەزىندە نۇرسۇلتاننان ارتىق پرەزيدەنت ىشكى، سىرتقى ساياساتتى بىردەي دۇرىس جۇرگىزىپ وتىرا الۋى قيىن. سايلاۋدا ءبىراۋىزدان ەلباسىعا داۋىس بەرەيىك!

  6. «جەر بەتىندە سانى قانشا ميلليون بولسا دا، تۋىن تىگەر ۇلتاراقتاي جەردى، ۇرپاعىنا ميراس ەتەر ەلدى اڭساعان ۇلتتار قانشاما». ن.نازارباەۆ. وسىنى ۇمىتپايىق، اعايىن!!!

  7. ءححى عاسىر — قازاقستاننىڭ جۇلدىزدى عاسىرى بولاتىنىنا سەنەمىن!

  8. بۇگىنگىدەي اۋمالى-توكپەلى زاماندا وسى كۇنگە دەيىن سەنىم ۇدەسىنەن شىعىپ كەلە جاتقان ەلباسىنا سەنبەگەندە، كىمگە سەنەمىز؟ ءبىز تاريحي ادىلەتتىلىك پەن ۋاقىت بايلانىسىن قالپىنا كەلتىرىپ، حالقىمىزدى تاتۋ-ءتاتتى تىرلىككە باستاي بىلگەن نۇرسۇلتان نازارباەۆپەن بىرگە ەگەمەن قازاقستاندى ءارى قاراي كۇشەيتۋدى جالعاستىرايىق دەگىم كەلەدى.

  9. مەن قازاقستاندا، قازاق جەرىندە تۋىلعانىما قۋانىشتىمىن، مىڭ مارتە ريزامىن. نۇرسۇلتان نازارباەۆ پرەزيدەنتىمىز بولعانىمەن بىزگە جاستارعا اتامىزداي كورىنەدى. سوندىقتان نۇرسۇلتان اتانى ەل كەزەكتى مارتە سايلايدى دەپ ايتا الامىن. ويتكەنى ول كىسىنىڭ ەڭبەگى وتە زور. ەلىمىز مىقتى مەملەكەتتەر قاتارىنا قوسىلدى. اسەم عيماراتتارمەن تولتىرىپ استانانى تۇرعىزدى. ەلباسىمىز امان بولسىن!

  10. ءلايلا قوجاگەلديەۆا

    قازىرگى ۋاقىتتا پرەزيدەنت سايلاۋىن وتكىزىپ الۋ، مەملەكەتىمىزدىڭ جاڭا تىنىسىن اشىپ، جاقسى وزگەرىستەرگە جول باستايدى. «ساۋساق بىرىكپەي، ينە ىلىكپەيدى» دەگەن حالقىمىز. نەندەي قۇبىلىس بولسا دا بىرلىكتىڭ ءباسى جوعارى.

  11. نۇركەن مىرزاەۆ

    تاۋەلسىز ەلىمىز گۇلدەنىپ، كوركەيە بەرسىن! مەملەكەتىمىزدىڭ قارىشتاپ دامۋى جولىندا ايانباي ەڭبەك ەتە بەرەيىك!

  12. «مەملەكەتتىڭ تىنىشتىعى مەن ەلدىڭ بىرلىگىن ساقتاپ، دامىتۋ پرەزيدەنتى باستاپ، ەلى قوستاعان كەزدە عانا باياندى بولماق. جاۋاپكەرشىلىك بۇكىل حالىققا دا جۇكتەلەدى. وسىنى ۇمىتپايىق. الداعى بيىك بەلەستەر مەن اسقار اسۋلار ءۇشىن ءبىز بارلىق كەدەرگىلەردى باعىندىرىپ، العا باسۋعا ءتيىسپىز». يا، ەلباسىنىڭ وسى ءسوزىنىڭ جانى بار. قاي باستامادا بولسىن بار جاۋاپكەرشىلىكتى ەلباسىمىزعا ارتىپ قويىپ، قاراپ وتىرا بەرمەي ەل دە ءوز تاراپىنان ارەكەت ەتۋ كەرەك. نۇرسۇلتان ءابىش ۇلىن ەل بولىپ ەل باسشىلىعىنا سايلايىق!

  13. ەلباسىنىڭ بارلىق باستاماسىن قولدايمىز. قولدامايتىندار ءوز قولدارىندا بار التىننىڭ قادىرىن بىلمەيتىندەر

  14. مىرزاحان مامىرتاەۆ

    ناۋرىز ايىندا ءبىزدىڭ تارازعا كەلەدى ەكەن عوي پرەزيدەنت.

  15. ايجان ءابىلوۆا

    سونشاما جۇمىستى اتقارىپ، توقتاۋسىز جول جۇرۋگە قالاي كۇش-قۋاتى جەتەدى ەكەن. امان بولسىن!!!

  16. نۇرلان باقىتبەك ۇلى، قورداي اۋدانى، قاراكەمەر اۋىلى

    ەلىن سۇيگەن ەر بولسا، ول – ەل­باسى. مەملەكەتىمىزدىڭ تاۋەل­سىزدىكتىڭ تال بەسىگىندە تەربەتى­لۋى، كۇنى بۇگىنگە دەيىنگى قول جەت­كىزگەن تولايىم تابىستارى، مامى­راجاي تىرلىگى، الدەنگەن الەۋەتى، قارىشتاعان ەكونوميكاسى – ەلباسىنىڭ بىرەگەي باتىل شە­شىمدەرى مەن ساياساتىنىڭ جەمى­سى. ەلىڭدى سۇيسەڭ، ەرلىك ىستەي­سىڭ، دەگەن. ءبىز حالقى ءۇشىن تالاي تاۋەكەلگە بارعان نۇرسۇلتان ءابىش­ ۇلىنىڭ مارتتىگىن ەرلىككە بالاي­مىز. ويتكەنى، ەلباسى مەملە­كەتىمىزدىڭ قانات جايۋى جو­لىن­دا جانكەشتى ەڭبەك ەتتى. ەلى­مىز­دىڭ ساياسي بەدەلىن كوتەرە ءبىلدى.

  17. قازاقستاندىقتار ارقاشان نازارباەۆپەن بىرگە! سايلاۋدا وتباسىمىزبەن، تۋعان-تۋىستارىمىزبەن تەك نازارباەۆقا داۋىس بەرەمىز! بارلىقتارىڭىزدى سولاي ەتۋگە شاقىرامىن!!!

  18. ەلىمىز ەلباسىمەن بىرگە جايناپ، كوركەيە بەرسىن! قازىر الەمدىك ارەنادا نۇرسۇلتان ءابىش ۇلىنا تەڭ كەلەر ساياساتكەر، تۇلعا، پرەزيدەنت جوق! سول ءۇشىن ءبارىمىز بىرىگىپ، سايلاۋعا قاتىسايىق.

  19. اسقار ايبەكوۆ

    ەلى سۇيگەن، ەلىن سۇيگەن ەلباسى!

Leave a Reply

Your email address will not be published. Required fields are marked *

*

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>